web counter
LEXO PA REKLAMA!

SHKARKO APP

App Store
Google Play

E fundit!

x

Kush i përgjon familjarët e Bashës?!

1 Qershor 2018, 10:54, Aktualitet CNA

Kryetari i Partisë Demokratike, Lulzim Basha ka zgjedhur gazetën ?Panorama? për të shpërndarë lajmin e survejimit të tij dhe familjarëve.

Së pari, Lulzim Basha dhe familja e tij, pra bashkëshortja dhe fëmijët janë pjesë e mbrojtjes që bëhet nga Garda e Republikës. Kjo është e caktuar me ligj.

Askush nuk ka të drejtë të survejojë liderin e opozitës, dhe kjo do të ishte jo vetëm në kufijtë e një skandali, por do të ishte një ?bombë? nëse struktura të caktuara të Policisë së Shtetit, me apo pa leje survejojnë Lulzim Bashën.

Në fakt, teza e survejimit ndaj tij, bashkëshortes dhe fëmijëve bie lehtësisht. Thjeshtë dhe vetëm për një arsye. Ai është në bashkëpunim të fortë me Edi Ramën. Ata ishin gati për bashkëqeverisje. Me apo pa survejim, Lulzim Basha i duhet kryeministrit, sepse i zgjat jetën në pushtet. Prandaj çdo reklamim se ai po survejohet duket e dyshimtë dhe aspak e besueshme.

Përtej Lulzim Bashës, si kryefamiljar dhe familje, qëndrojnë edhe të tjerë njerëz. Vjehrri i shumëpërfolur, Xhaferr Isufaj, apo kunati i tij Erion Isufaj, apo kushërinj dhe të afërm të tjerë, por këta nuk ka ndonjë ligj që të ndalon ti përgjosh. Në rast se kanë kryer vepra penale, policia ka të gjithë të drejtën ligjore për ti survejuar.

Pyetja e thjeshtë shtrohet: Çfarë kanë bërë familjarët e Lulit që i survejon policia? Në rast se është gjithmonë e vërtetë.

Dhe së dyti, pse Lulzim Basha kërcen si kaposh dhe ka frikë nga survejimi që shteti ju bën familjarëve të tij që mund të kenë probleme me ligjin? Të gjithë janë të brabartë para ligjit, edhe vjehrri i Lulit, edhe kunati dhe çdo kush familjar i tij i cili mund të jetë përfshirë në një problematikë të caktuar ligjore. Por ne më shumë, e shohim si një ?Fake news?, dhe personalizim që Basha i bën një hetimi rutinë të policisë, ndaj personave të caktuar./ CNA.al





Lajmet e fundit nga