web counter
LEXO PA REKLAMA!

SHKARKO APP

App Store
Google Play

Task-Forca “Anti Skifter”/ Gjermania i dhuron dy makina dhe mjete komunikimi policisë shqiptare

1 Qershor 2018, 07:26, Aktualitet CNA

Zyra Federale Kriminale Gjermane i dhuron dy automjete dhe disa mjete komunikimi Task-Forcës ?ANTI SKIFTER? e ngritur pranë Zyrës Kombëtare EUROPOL, në Drejtorinë e Bashkëpunimit dhe Koordinimit, në Departamentin e Marrëdhënieve Ndërkombëtare në Policinë e Shtetit.

Në këtë kuadër u organizua një ceremoni ku Ambasadorja Gjermane në Shqipëri, znj. Susanne SCHÜTZ, u prit nga Drejtori i Përgjithshëm i Policisë së Shtetit Ardi Veliu dhe përfaqësues të Task-Forcës ?Anti Skifter?.

Ambasadorja e  Gjermanisë në Tiranë Znj Susanne SCHÜTZ, ka bërë  dhurimin e dy automjeteve dhe disa mjeteve të komunikimit për Task-Forcën ?Anti Skifter?

Gjatë ceremonisë znj. SCHÜTZ dhe Drejtori Veliu kanë vlerësuar marrëdhëniet mjaft të mira mes dy policive, si dhe ngritjen e Task-Forcës ?Anti Skifter?,  e cila në bashkëpunim të ngushtë me homologët e BE-së, do të ndihmojë në evidentimin në kohë dhe goditjen e grupeve që merren me veprimtari kriminale  në fushën e vjedhjes.

Drejtori i Përgjithshëm i Policisë së Shtetit Ardi Veliu ka theksuar se bashkëpunimi me partnerët është shumë i rëndësishëm dhe në këtë kuadër e vlerësojmë dhe e çmojmë si shumë të rëndësishme mbështetjen e tyre, qoftë me bazë logjistike ashtu edhe me asistencë teknike, në trajnimin e punonjësve që shërbejnë në strukturat e luftës kundër krimit të organizuar.

Znj. Susanne SCHÜTZ, ka vlerësuar punën e Policisë dhe ka theksuar se Gjermania përherë do jetë në mbështetje të punës serioze të Policisë së Shtetit dhe luftës pa kompromis që po zhvillon ndaj krimit të organizuar dhe krimit në përgjithësi.





Lajmet e fundit nga