web counter
LEXO PA REKLAMA!

SHKARKO APP

App Store
Google Play

Nëse nuk do kishte dalë "Babalja" si do sillej opozita?/ Vasjari vë me ‘shpatulla pas murit’ aleatin e Bashës

31 Maj 2018, 20:47, Aktualitet CNA

Analisti Arjan Vasjari, i ftuar në studion e emisionit “Real Story” të gazetarit Sokol Balla në Vizion Plus, ka shënjestruar opozitën, lidhur me audio-përgjimin e publikuar, në të cilin pretendohet që një ndër ta të jetë edhe vëllai i ministrit të Brendshëm, Fatmir Xhafaj.

Duke iu drejtuar kreut të LZHK-së, Dashamir Shehi, Vasjari shtroi pyetjen: Nëse në skenë nuk do të kishte dalë “Babalja” si do të sillej opozita. Sipas Shehit, opozita këtë çështje e ka të shkallëzuar, ndërsa paralajmëroi për skandale të tjera.

Arjan Vasjari: Nëse në skenë nuk do të kishte dalë “Babalja” si do sillej opozita?

Unë them se përgjegjësia mund të jetë e përgjithshme, por faji është individual.
Unë për të shmangur çdo lloj përplasje po e quaj audiopërgjimin autentik, por them se opozita nuk ka për qëllim ta dënojë moralisht Xhafajn, por kërkon ta shpallë fajtor dhe për këtë po shfrytëzon rastin.
Sepse unë nuk e di si do sillej opozita nëse do kishte një vëlla të tillë.

Dashamir Shehi: As unë nuk e di. Ishalla nuk ka, ndoshta edhe ka.

Arjan Vasjari: Xhafaj duhet të largohet se ka një ngarkesë morale? Apo sepse është i implikuar sepse ka mbështetur vëllain e tij në trafik droge?

Dashamir Shehi: Ne këtë çështje e kemi të shkallëzuar, nuk është vetëm kjo, por ka të tjera. /CNA.al





Lajmet e fundit nga