web counter
LEXO PA REKLAMA!

SHKARKO APP

App Store
Google Play

E fundit!

x

Një kosovare kërkon “azil” në Serbi, ja kush është

31 Maj 2018, 19:00, Aktualitet CNA

Me mbarimin e luftës së Kosovës, mbi 1 mijë kosovarë jetojnë dhe veprojnë në Serbi, shkruan ?Presheva Jonë?.  Ata kanë gjetur strehim në shumë qytete. Një pjesë e tyre kanë shkuar për punë, ndërsa pjesa tjetër kanë gjetur strehim nga frika sepse ishin bashkëpunëtorë të regjimit të Millosheviqit, apo punonin në institucionet e ndjeshme të asaj kohe në Kosovë.

Mjekja kosovare Gjina Zeqiri mësohet se ka kërkuar ?azil? në Serbi, pikërisht në Bujanoc. Ajo kishte përfituar nga shtigjet ligjore për t?iu shmangur autoriteteve të Kosovës, shkruan portali nga Lugina e Preshevës.

Më parë Gjina ishte gjinekologe dhe themeluese e Global Hospital, një klinikë në Prishtinë e specializuar për trajtim me IVF.

Në nëntor të vitit 2014, klinika e saj ishte bastisur nga Policia e Kosovës e cila dyshonte në Zeqirin për një numër veprash, përfshirë lejimin e prindërve për ta zgjedhur gjininë e fëmijëve në këmbim të pagesës, blerjen e spermës dhe vezorëve nga njerëz të cenueshëm dhe punësimin e embrionologëve të pa licencuar, sipas një aktakuze të ngritur nga prokurorët në janar të vitit 2016, shkruan ?Presheva Jonë?.

Gjina Zeqiri u arratis në Serb , ashtu që regjistroi kompaninë “Global IVF” në Bujanoc. Gjykata Themelore në Prishtinë urdhëroi lëshimin e një fletë-arresti ndërkombëtar ndaj saj në qershor të vitit 2017, por Ministria e Drejtësisë e Kosovës nuk bën të ditur nëse është lëshuar një “lajmërim i kuq” i Interpol-it. Ndaj dhe shtrohen shume pyetje e dyshime si u lejua dhe pse Ministri kosovar i Drejtësisë vitin e kaluar qëndroi ne Bujanoc?!, pyet ?Presheva jonë. (INA)





Lajmet e fundit nga