web counter
LEXO PA REKLAMA!

SHKARKO APP

App Store
Google Play

E fundit!

x

Serbët nuk e pranojnë statutin e "Trepçës" të miratuar nga Qeveria e Kosovës

31 Maj 2018, 17:20, Aktualitet CNA

Jovan Dimkiç, drejtor gjeneral i kompleksit industrial, ku pjese e rendesishme jane minierat e Trepçës në veri të Kosovës, ka thënë se statuti i miratuar nga Qeveria Haradinaj nuk do të prodhojë asgjë, që do t?i bënte punëtorët të kenë perspektivë më të mirë, shkruan gazeta “Zeri”.

Serbët e veriut të Kosovës, menaxhmenti i kompleksit në veri, por edhe politikanët serbë të veriut dhe të qeverisë së Serbisë kanë refuzuar ta pranojnë statutin e Trepçës, i cili është miratuar në Qeverinë e Kosovës dhe i është dorëzuar Kuvendit për miratim.

Madje serbët e kanë quajtur miratimin e statutit ?një hap drejt rrëmbimit të nga shqiptarët?, shkruan më tutje”Zeri”.

Drejtori gjeneral i Trepçës, të cilit, sipas ministrit të Zhvillimit Ekonomik Valdrin Lluka,  i ka skaduar mandati dhe nuk është më drejtor, ka komentuar se statuti nuk do të prodhojë asgjë që do t?i bënte punëtorët të kenë perspektivë më të mirë.

Ndërkaq Igor Simiç, zëdhënës i Listës Serbe dhe deputet në Kuvendin e Kosovës, ka vlerësuar se hartimi i statutit të Trepçës tregon për vazhdimin e dhunës ndaj serbëve.

Simiç ka sqaruar se Trepça është çështje më e rëndësishme për serbët që jetojnë në veri të Kosovës, sepse ka shumë të punësuar serbë.

?Për zgjidhjen e çështjes së Trepçës duhet të bisedohet në Bruksel, në kuadër të dialogut në mes të Beogradit dhe Prishtinës?, ka vlerësuar Simiç.

 Në anën tjetër kryeministri i Kosovës, Ramush Haradinaj, miratimin e statutit të ri të Trepçës e ka quajtur ditë të madhe për Kosovës. Ai ka thënë se pas votimit të këtij statuti në Kuvend Trepça do të kthehet në një kompani të aftë për të vepruar.





Lajmet e fundit nga