web counter
LEXO PA REKLAMA!

SHKARKO APP

App Store
Google Play

Djegia e mandateve/ Deputeti i PD-së ashpërson qëndrimin kundër Bashës

31 Maj 2018, 15:23, Aktualitet CNA

Deputeti i Partisë Demokratike, një nga zërat më të fortë në përkrahje të mendimit të propozuar fillimisht nga lideri historik i PD-së Sali Berisha, për djegien e mandateve, Flamur Noka, ka forcuar sot qëndrimin e tij pro këtij propozimi. Nga ana tjetër Lulzim Basha vazhdimisht i ka bërë bisht përgjigjes për djegien e mandateve, ndërsa LSI me Kryemadhin është shprehur kundër.

I ftuar në rubrikën “Opinion” të televizionit News 24, është shprehur se ndonëse ky mendim është në pakicë numerike në opozitë, kjo nuk do të vazhdojë për shumë kohë.

“Ne jemi në pakicë, por nuk do të vazhdojmë kështu për një kohë të gjatë. Nuk ka zgjidhje tjetër përveçse radikalizimit të përpjekjeve. Çfarë ka ngelur për tu bërë, kur Rama pushtetin ekzekutiv e kishte për 4 vjet por nuk bërë asgjë, mbolli frikë ndër shqiptarët, e shndërroi në një xhungël ku krimi, bandat dhe droga bëjnë ligjin.

Kjo qeveri po përpiqet dhe po bën çmos për ta kthyer Shqipërinë në një tokë të djegur. Zgjedhje të lira nuk bëri, sepse i bleu dhe vodhi, dhe zgjidhja është largim nga ai Parlament dhe dalja në rrugë me qytetarët”, – deklaroi Flamur Noka.

Ai tha se me këtë Kryeministër nuk ka zgjedhje të lira e të ndershme dhe me këtë Kryeministër nuk mund të shkohet në zgjedhje. /CNA.al





Lajmet e fundit nga