web counter
LEXO PA REKLAMA!

SHKARKO APP

App Store
Google Play

E fundit!

x

Gati “qelia” për Llallën?/ Provat që “fundosin” ish-kryeprokurorin

31 Maj 2018, 11:52, Aktualitet CNA

Kolegji i posaqëm i Apelimit ka zhvilluar sot seancën për ankimimin e komisionerit publik, në lidhje me vendimin e Komisionit të Pavarur të Kualifikimit, për ndërprerjen e procesit të rivlerësimit për ish-Kryeprokurorin Adriatik Llalla.

Komisioneri Publik ka shpjeguar para gjyqtareve arsyet perse vettingu per Adriatik Llallen nuk mund te nderpritet.

Nderkohe, KPA, do të marrë si provë  urdhër largimin nga Prokuroria e Përgjithshme të Llallës në dhjetor të 2017.

Gjithashtu mësohet se një provë tjetër që do të merret është dhe dorëheqja e Llallës si prokuror në vitin 2008.

Ndërsa avokati Sokol Hazizaj, ka kërkuar 10 ditë kohë për të përgatitur konkluzionet përfundimtare, kërkesë që është pranuar nga trupi gjykues dhe seanca e radhës do të vendoset në 6 qershor në orën 13:00.

Ish-kryeprokurori hoqi dorë nga sistemi i drejtësisë për t’i shpëtuar Vettingut dhe procesi ndaj tij u ndërpre nga Komisioni i Pavarur i Kualifikimit, ndërsa Komisioneri Publik i dorëzoi Kolegjit të Posaçëm Apelimit çështjen, ku kërkohet që Adriatik Llalla t?i nënshtrohet vettingut.

Por, ndërkohë krahas ankesës së Komisionerit Publik, ish-kryeprokurori Llalla po hetohet nga edhe nga Prokuroria për Krimet e Rënda për disa vepra penale.

Hetimet janë regjistruar për veprat penale të ?Refuzimit për deklarim, mos deklarimit, fshehjes ose deklarimi i rremë i pasurisë, interesave private të zgjedhur dhe nënpunësve publikë ose i çdo personi tjetër që ka detyrimin ligjor për për deklarim?. ?Mos deklarimit të shumave të të hollave ne kufi?, ?Pastrimit të produkteve të veprës penale ? dhe të ?Shpërdorimit të detyrës?./ CNA.al





Lajmet e fundit nga