E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Loja me ofertat e “çmendura” në Top Channel

31 Maj 2018, 10:25, Aktualitet CNA

Prej disa kohësh në Top Channel ka shkuar Ben Blushi. Me një pagë marramendëse dhe të parezistueshme.

Ndërkohë, që gjithçka ka ndodhur në kohën kur Top Channel ka pasur vërtetë probleme financiare, për shkak të kredive, shitjes së aksioneve të ?Lori Kafe?, dhe në bilance nuk duket se ka raportuar të ardhura të mëdha nga njëra anë, dhe nga ana tjetër disa emisione janë nxjerrë me vetëfinancim, siç është emisioni ?Fiks Fare?.

Ç?ka tregon një diskordancë, pra një përplasje midis asaj që bëhet në veprim dhe asaj çfarë thuhet në opinionin publik.

Dje mediat raportuan për një ofertë marramendëse ndaj gazetarit Blendi Fevziu, që mesa duket ishte një lojë e tij dhe e Ben Blushit, ose pas Top Channel qëndron dikush që ka ?hapur thesin?, ose është një lojë meskine.

Në lidhje me ?thesin e hapur? të Top Channel mund të themi se ka disa thashetheme apo teza që qarkullojnë mediatikisht.

Së pari në qarqet politike dhe mediatike thuhet se pas financimit të Top Channel mund të qëndrojë biznesmeni italian, ish-pronari Agon Channel, Francesco Becchetti. I cili u përfol se mund të ishte njeriu që do financonte më pas Top Channel dhe përveç Ben Blushit edhe një pjesë tjetër e ish-stafit të Agonit do të shkonte aty.

Mesa duket këto zëra kanë ngelur vetëm dhe nuk janë konfirmuar ende. Por, dyshimet rriten gjithsesi dhe qëndrojnë në momentin kur fillojnë dhe flitet për investime marramendëse apo për oferta për gazetarë dhe ndryshime në stafin e Top Channel.

Në një moment kur Top Channel në bilancet e tij nuk duket se ka ndonjë pozitivitet të madh, dhe në audiencë në garë me rivalin e tij Tv Klan, këtë vit nuk është se ka pasur ndonjë fitore, tregon se ardhja e investimeve nga pas tregon se ose është një dorë e fshehtë ose siç e thamë më lart janë thjeshtë lojëra.

Një dorë e fshehtë flitet për Francesco Becchettin, nga ana tjetër një dorë e fshehtë u tha se mund të ishin njerëz pranë opozitës, pra Lulzim Basha dhe kompanitë afër familjes së tij kishin siguruar financime për të mbajtur Top Channel në këmbë dhe për ta pasur në dispozicion për luftën kundër qeverisë.

Por, një teori e tretë e nxjerrë është që gjithçka luhet me opinionin publik, por edhe kryeministrin, për të treguar ?dhëmbët?, për t?u treguar televizion sa më i fortë për të marrë nga qeveria atë që nuk i është dhënë pronares së Top Medias, Vjollca Hoxha.

Tashmë, Top Channel ka shumë pikëpyetje. Becchettin, financime nga opozita, por edhe nga rryma të tjera.

Pak kohë më parë u përfol edhe një shitje të mundshme të këtij televizioni, por gjithçka ngeli në hije.

Loja e fundit me Blendi Fevziun duket se është më tepër një ngjallje shprese, por që nuk zgjat shumë. Sepse vajtja e Fevziut dhe çdo lëvizje e tillë nuk është se e shpëton Top Channel dhe jo gjithçka zgjidhet përfundimisht.

Është vizioni dhe vazhdimësia e atij televizioni. Pra, investimet që ai kërkon dhe mentaliteti me të cilin drejtohet. Me Ben Blushin, i cili bëri një parti dhe nuk arriti të merrte një deputet dhe mentalitetin e Vjollca Hoxhës, vështirë se mund të kemi një Top Channel si ajo që ndërtoi Dritan Hoxha.

Me një drejtues që nuk mundi të merrte as 20 mijë vota, nuk mund të bësh një televizion kombëtar, pa folur pastaj për vizionin e munguar dhe mentalitetin paksa të vjetëruar të drejtuesve aktualë të Top Channel./ CNA.al