web counter
LEXO PA REKLAMA!

SHKARKO APP

App Store
Google Play

E fundit!

x

Aksionet kundër qeverisë/ Nisin konfliktet në opozitë

31 Maj 2018, 07:51, Aktualitet CNA

Partia Demokratike është përfshirë ditët e fundit nga një klimë e fortë tensionesh dhe mosmarrëveshjes, ndërkohë që dhe marrëdhëniet mes PD dhe LSI janë tensionuar së tepërmi.

Kur u zgjodh Arta Marku kryeprokurore, opozita sulmoi Parlamentin, ndërkohë që ishte Kryemadhi dhe anëtarët e LSI ata që nisën sulmet. Së fundmi shpërtheu skandali ?Xhafaj?, por që sërish opozita dështoi në rrëzimin e qeverisë.

Sipas gazetës Sot, të gjitha këto kanë bërë sërish bashkë Metën dhe Berishën, pasi një burim i tha gazetës se që të dy kanë dyshime se aleanca Basha-Rama vijon.

Në protestën e së shtunës Berisha dhe Kryemadhi ishin përgatitur për revolta, por Basha nuk e lejoi një gjë të tillë. Kjo krijoi irritim si brenda PD, ashtu dhe në radhët e LSI. Media që njihen prej vitesh si mbështetëse të LSI dhe sidomos të presidentit Meta, që më 26 maj kanë nisur një sulm të ashpër ndaj Lulzim Bashës, duke e akuzuar se nuk po reagon si duhet ndaj qeverisë, apo që po toleron Ramën.

Po sipas kësaj gazete, plani i PS është që përmes zgjedhjeve vendore dhe reformës zgjedhore të shkrijë LSI dhe partia e Kryemadhit ka filluar të shqetësohet.

Nga dita në ditë po jepen sinjale se bashkëpunimi mes Partisë Demokratike dhe Lëvizjes Socialiste për Integrim është në pikiatë. Protesta e 26 majit e tregoi fare qartë, pasi Basha foli i vetëm. Po ashtu dje u dhanë sinjale në Gjirokastër, ku këshilltarët e LSI bashkuan votat me ata të PS dhe shkarkuan kreun e këshillit që u emërua nga PD.

Por gazeta ka mësuar se përplasja më e madhe që ka nisur mes Bashës dhe Kryemadhit është për zgjedhjet vendore. LSI kërkon që tani garanci se do të hyjnë bashkë në zgjedhje, por baza demokrate nuk e do një gjë të tillë. Po ashtu Kryemadhi ka kërkuar që në disa bashki të dalë ajo me kandidatët e saj dhe të mbështete nga PD, por Basha nuk e ka pranuar as këtë. Të gjitha këto kanë bërë që tani të kemi dy linja në opozitë, njësoj siç ndodhi një vit më parë kur u takuan Rama e Basha.





Lajmet e fundit nga