web counter
LEXO PA REKLAMA!

SHKARKO APP

App Store
Google Play

Ndalimi i futjes së fotografive/ MPB e Serbisë jep sqarime

30 Maj 2018, 19:06, Aktualitet CNA

Urdhrin që përmes vendkalimit kufitar mes Kosovës dhe Serbisë të mos lejohet futja e fotografive me pankarta me mbishkrimin ?UÇK? e ka bërë ministri i Brendshëm i Serbisë Nebojsha Stefanoviq, me arsyetimin se ?nën mantelin e artit është dashur të promovohet organizata terroriste?, respektivisht Ushtria Çlirimtare e Kosovës, njoftoi MPB-ja serbe.

?Vendimin e mori personalisht ministri Stefanoviq, ndërsa bëhet fjalë për fotografi në të cilën shihet transparent i UÇK-së terroriste?, thonë nga MUP-i serb, njofton Gazeta Express.

Në njoftim nuk jepen arsyetime pse janë ndaluar dy fotografitë tjera të artistes kosovare Eliza Hoxha ? njëra me transparent me vargun e poezisë së Ali Podrimjes ?Kosova është gjaku im që nuk falet? dhe tjetra me flamujt e Kosovës dhe Shqipërisë – si dhe të gjithë katalogët e Hoxhës, dedikuar ekspozitës në kuadër të manifestimit kulturor ?Mirdita, dobar dan?, që prej sot deri më 2 qershor mbahet në Beograd.

Edicioni i pestë i manifestimit ?Mirdita, dobar dan?, që mbahet në organizim të OJQ-së “Të Rinjtë për të Drejtat e Njeriut”, edhe sivjet hasi në reagime të shumta negative nga subjekte të ndryshme politike dhe qytetare serbe.

Partia Radikale Serbe e Vojisllav Sheshelit porositi se ajo do ta ndalojë mbajtjen e manifestimit kushtuar artit kosovar, nëse këtë nuk e bën shteti serb.

Organizatorët porositën se ?nuk do të lejojnë që partia e një të dënuari për krime lufte t?i mësojë se çka duhet dhe çka s?duhet të shikojë publiku i Beogradit?.





Lajmet e fundit nga