web counter
LEXO PA REKLAMA!

SHKARKO APP

App Store
Google Play

Ambasadori rus në Beograd/ Rusia mbështet ndarjen e Kosovës

30 Maj 2018, 16:09, Aktualitet CNA

Ambasadori i Federatës Ruse në Beograd, Aleksandr Cepurin, tha se Rusia do të pranonte ndarjen e Kosovës nëse Serbia e konsideronte atë si zgjidhjen më të mirë për të.

Kështu u shpreh Chepurin duke komentuar deklaratën e kreut të diplomacisë serbe, Ivica Daçiq se edhe “shqiptarët mund të bien dakord për ndarjen e Kosovës, dhe se kjo është në interesin e tyre”, raporton ?Vecernje Novosti?, transmeton “zeri.info”.

“Ne e respektojmë qëndrimin e Serbisë dhe atë zgjidhje, të cilën e konsideron si më të mirën për të, do të mbështesim”, tha Cepurin.

Sipas tij, Rusia do të mbështesë çdo vendim të Serbisë.

“Ende është i  vlefshëm slogani:..” “Çfarë është e mirë për Serbinë, është e mirë për Rusinë ” Për Moskën është e rëndësishme që zgjidhja që ofrohet të jetë në interesin e Serbisë. Unë nuk kam asnjë dyshim se Qeveria e Serbisë, presidenti Vuçiq dhe ministri Daçiq do të bëjnë atë që është më e mira për vendin , tha ambasadori rus.

Cepurin pretendon se pavarësisht nga ndryshimet e brendshme që po ndodhin në Rusi, Serbia do të vazhdojë të ketë një partner të mirë në Kremlin.





Lajmet e fundit nga