E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kryegjyqtari në rrezik për jetën/ Zbulohet pasuria e Skënder Halucit

31 Maj 2018, 09:33, Aktualitet CNA

?Trekëndëshi i Bermudës? në sistemin e drejtësisë, policia, prokuroria dhe gjykatat, janë bërë tashmë pjesë e sistemit të Vettigut.

Ky proces, pritet të spastrojë këtë sistem që dyshohet se ka aministuar të inkriminuarit, dhe ka ngrënë ?kokat? e të pafuqishmëve.

Por duke patur parasysh kushteve se si po zhvillohet ky proces dhe mënyrës si po aplikohet, serioziteti mbetet i dyshimtë.

Po bëhet Vetting, bazuar në pasuritë e që kanë deklaruar vetë gjyqtarët dhe prokurorët, ndërkohë që problemi është diku tjetër.

Janë dosje të tërë krimesh, të amnistuara, të cilat objekt hetimesh kanë zyrtarë të lartë.

Mjaftojnë që gjyqtarët dhe prokurorët të japin përgjegjësi për ato dosje dhe vetëm atëherë, do të kishim rezultate të pastrimit të drejtësisë.

Por llogaridhënia, për një shtëpi, një makinë, apo një veshje e shtrenjtë është tallëse. Jo, se ky aspekt nuk ka rëndësi, por fillimisht, këtyre prokurorëve dhe gjyqtarëve që politika i ?masakron? çdo ditë, duhet t?u krijohen kushtet për të punuar.

Kryegjyqtari i Vlorës, Skënder Haluci më vijimësi ka dhënë alarmin se gjyqtarëve të Vlorës, u rrezikohet jeta.

A është sukses për Vettingun, nëse vritet një gjyqtar apo një prokuror?

Shpresojmë të mos ndodh një gjë e tillë, dhe alarmi i dhënë nga kryegjyqtari Haluci të bjerë në vesh të shurdhër.

Më herët, Haluçi ka deklaruar për mediat se ka pasur raste, kur është tentuar që si trupa gjyqësore por edhe ai të friksohen në mënyra të ndryshme dhe forma të ndryshme.

Skënder Haluci, sërish së fundmi ka paralajmëruar për mungesën së sigurisë në Gjykatën e Vlorës.

Pak ditë më parë, kur një i dënuar për rrëmbim u arratis nga Gjykata e Vlorës, Haluci, ka thënë se ka vënë në dijeni organet kompetente për të kërkuar marrjen e masave të sigurisë për gjyqtarët, të cilët lëvizin me furgona të rastit për të shkuar në punë, edhe pse kanë në shqyrtim çështje të rëndësishme dhe delikate.

?Gjykata jonë është jashtë çdo lloj parametri sigurie. Gjykata e Vlorës komandohet e deleguar vazhdimisht me gjykatën e Sarandës.
Gjykata e Vlorës nuk ka asnjë mjet transporti për të transportuar dhe siguruar jetën e gjyqtarëve që shkojnë në Sarandë. I kam kërkuar KLD-së dhe Zyrës së Administrimit të Pushtetit Gjyqësor se kryetari i gjykatës, Gjykata e Rrethit Gjyqësor Vlorë, nuk merr përsipër shoqërimin e gjyqtarëve kur ata kërkohen nga Këshilli i Lartë i Drejtësisë?, ka thënë Haluci, para mediave.
Sipas tij, ndryshe nga sa thuhet, gjyqtarët kanë një nivel jo të mirë ekonomik.

Vetë Haluci ka deklaruar pranë ILDKPKI-së se burim të ardhurash ka pagën e tij dhe të bashkëshortes.

Deklarimi i pasurisë së kryegjyqtarit të Vlorës

Të ardhura nga paga si kryetar i Gjykatës së rrethit Gjyqësor Vlorë për vitin 2017 në shumën 1095274 lekë.

Kompesim nga fondi për të persekutuarit, për vitin 2017, në shumën 315 383 62 lekë.

Gjendja e llogarisë së pagës me datë 01.01.2017 ka qenë 185 157 35, ndërsa me datë 01.01.2018 është 138 177 93 lekë.

Gjendje e llogarisë për kompesim me datë 01.01.2017 ka qenë 323 747 83 lekë, ndërsa me datë 01.01.2018 është 337 331 45 lekë.

Paga e bashkëshortes si kryetare e dhomës së zgjidhjes së konflikteve, në Federatën Shqiptare të Futobollit, në shumën 204 000 lekë.

Bursë studimi për vajzën në SHBA, në shumën 66 324 dollarë.

Kompesim për intership të vajzës 35 9296 dollarë.

Kredi marrë më datën 16 shkurt 2004 që sot me datën 27 mars, ku me datë 27 mars 2017, detyrimi është 9 065 dollarë. Detyrimi i shlyer 3652 dollarë, ndërsa deturim i pashlyer në vlerën 56 046 dollarë./CNA.al