web counter
LEXO PA REKLAMA!

SHKARKO APP

App Store
Google Play

Kordinatorët që hanë buxhetin e taksapaguesve

31 Maj 2018, 18:34, Aktualitet CNA

Përveç njëzetë e një ministrave e shtatëdhjetë e katër zëvendësministrave, buxhetit të shtetit tashmë kanë filluar t?i shtohen edhe koordinatorët nacionalë. Deri më tani janë emëruar tre koordinatorë, kurse paga mujore e tyre është në nivel me pagën e ministrave, 1270 euro. Po ashtu secili prej tyre ka të drejtë të angazhojë nga një asistent dhe dy këshilltarë. Opozita dhe shoqëria civile po i quajnë ?koordinatorët e Qeverisë së Kosovës ngrenës të buxhetit të takspaguesve kosovarë.

Sikurse raporton “Zeri”, kryeministri Ramush Haradinaj me të ardhur në krye të Qeverisë pati nënshkruar memorandum mirëkuptimi me kryetarin e Këshillit të Rinisë Evropiane të Kosovës Avdullah Hasanin, i njohur si ?Dulla?.Përmes këtij memorandumi Hasani u caktua ?koordinator për gjeneratën e re?.

Ky memorandum në muajt pasues është përcjellë me emërimin e tre koordinatorëve zyrtarë qeveritarë. Në mars Besnik Tahiri është emëruar koordinator nacional për reforma shtetërore; ndërsa para dy ditësh djali i ish-presidentit Ibrahim Rugova, Mendim Rugova, është emëruar koordinator për ndryshime klimatike dhe çështje të ambientit, kurse nënkryetari i PDK-së Rexhep Hoti është emëruar  koordinator nacional për kulturë, rini dhe sport, shkruan më tutje “Zeri”.

Këto emërime po vlerësohen si të paarsyeshme dhe ngarkesë për buxhetin e shtetit. Paga mujore e një koordinatori do të jetë e nivelit të pagës së ministrit (1270 euro). Gjithashtu koordinatori ka të drejtë të caktojë një asistent dhe dy këshilltarë.

Sipas opozitës dhe shoqërisë civile, posti i koordinatorit nacional është ?shpikur? për të akomoduar njerëz të rëndësishëm të partive, ndërsa thonë se këta koordinatorë janë vetëm për ?shpenzim të buxhetit të shtetit…?.





Lajmet e fundit nga