web counter
LEXO PA REKLAMA!

SHKARKO APP

App Store
Google Play

“Survejimi i Bashës”/ Policia e Shtetit zbulon skandalin

1 Qershor 2018, 11:02, Aktualitet CNA

Policia e Shtetit, ka reaguar pas lajmeve të publikuara në media se kreu i PD, Lulzim Basha dhe familjarët e tij po mbahen nën survejim nga uniformat blu.

Në një deklaratë për mediat, Policia e Shtetit bën të ditur se  ?përmbajtja e shkrimit është një spekulim mediatik për qëllime të mbrapshta?.

Policia e Shtetit sqaron se ?Nuk është aspak e vërtetë që familja e z.Lulzim Basha, kryetar i PD-së, apo familjarë të tij, të mbahen nën vëzhgim nga forca policore.?

Deklarata e plotë:

Përgënjeshtrim rreth lajmit se familja Basha mbahet nën survejim – përmbajtja e shkrimit, një spekulim mediatik për qëllime të mbrapshta

Lidhur me shkrimin e botuar në gazetën ?Panorama?, të datës 1 qershor 2018, me titull ?Hije skandali, Policia mban në survejim familjen Basha?, sqarojmë se:

Nuk është aspak e vërtetë që familja e z.Lulzim Basha, kryetar i PD-së, apo familjarë të tij, të mbahen nën vëzhgim nga forca policore.

Përmbajtja e shkrimit është tërësisht një spekulim  mediatik me synim mashtrimin dhe keqinformimin e opinionit publik për qëllime që i gjykojmë të mbrapshta. Me keqardhje konstatojmë se lajmi në fjalë duket i fabrikuar nga zyrat e një partie politike dhe jo nga redaksi serioze.

Informimi i publikut rreth veprimtarisë së institucioneve të shtetit është një e drejtë e garantuar me ligj, prandaj nëse dikush do të kishte interes rreth së vërtetës, do ta merrte informacionin lehtësisht në rrugë zyrtare.

Fakti që asnjë nga institucionet e përmendura nuk është kontaktuar nga media në fjalë, na krijon dyshimin se në këtë rast kemi të bëjmë me keqpërdorim flagrant të një gazete nga ana e politikës.

Me këtë rast theksojmë se z.Basha përfiton nga statusi si kryetar i opozitës, masa shtesë dhe shoqërohet nga forca të Gardës së Republikës.

Por nuk ka në asnjë moment dhe në asnjë rrethanë, monitorim survejues të tij nga strukturat e Policisë së Shtetit.

Duke vlerësuar rolin e medias, Policia e Shtetit është e gatshme për t?iu përgjigjur çdo çështjeje me interes publik, në funksion të mirinformimit të qytetarëve.





Lajmet e fundit nga