E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sekti i Çilit, si shkatërrim për PD-në

1 Qershor 2018, 08:07, Aktualitet CNA

Shumica e deputetëve të rinj në grupin parlamentar të PD-së janë rekomanduar me kërkesën e Lulzim Bashës, nga pronari i UET, Henri Çili.

Një listë deputetësh, pjesë e sektit të shkatërrimit të PD-së që shkon në Shkodër, zbret në Korçë dhe Tiranë, që pasohet edhe nga gazetarë, që kanë qënë shërbëtorë të paepur të pronarit të UET, mbështetës të flaktë të Edi Ramës dhe sot në krah të Lulzim Bashës.

Le ta fillojmë nga deputetët.

I pari i qarkut të Shkodrës, Romeo Gurakuqi, një nga njerëzit që pak vite më parë me publikimet e tij në rrjetet sociale, i quante demokratët ?horra?, e kishte për turp të ishte kandidat për deputet i PD-së, por delironte duke hedhur poshtë siglën e demokratëve, dhe duke u shpallur ?lulushist? apo deputet i listës së Lulit.

Shkojmë në Korçë, janë dy produkte politike të Henri Cilit, kryesuesja e listës Valentina Duka dhe Ervin Salianji.

E para e larguar nga PD, demokratët i quante ?malokë të pandreqshëm? dhe Berishën ?kriminel?.

Është rekomanduar nga Çili mesnatën e shpalljes së listave të kandidatëve, pasi Basha nuk po gjente kryesues për listën në Korçë. Për të gjithë ata që nuk e dinë lidhjen e Valentina Dukës me Henri Çilin, Ferit Duka ka qënë rektor në UET, që në themelimin e tij.

Ervin Salianji nuk ka nevojë për reklamë. E kemi quajtur ortak të Çilit në biznese, produkt të tij politik që shpesh e mohojnë, por më pas e pranojnë. Salianji, ja kalon edhe kërmillit duke puthur këmbën e Lulit apo dorën e Çilit. Sot është një nga sekretarët e Lulzim Bashës, megjithëse i ndjekur nga shumë skandale, përfshirë dhe video-skandalin pervers në parlament, publikuar nga CNA.al.

Grida Duma, një sekretare tjetër e Bashës, produkt i Henri Çilit, që në kohën kur u emërua zv.ministre e Integrimit, dhënë Lulzim Bashës nga pronari i UET dhe më pas e rekomanduar tek Berisha.

Duma përpiqet të jetë një personazh i fortë politik i PD-së, por edhe atë nga pas e kanë ndjekur akuza dhe skandale, që nga ndërtimet dhe biznese abuzive, tek vrasja e një bankieri dhe lidhjet e saj të dyshimta me të.

Ka edhe të tjerë deputetë në listë, të cilët janë rekomanduar nga pronari i UET-së, por këta janë më të spikaturit, janë kryesues listash dhe sekretarë. Të gjithë kanë humbur turpshëm në zgjedhje. Në të gjitha zonat ku kanë drejtuar, PD ka pasur një rënie deri në 30%. Kanë shpartalluar strukturat e bazës, kanë luftuar dhe dëbuar militantët dhe palcën e PD-së, gjithçka në funksion të jetëgjatësisë së tyre politike.

Ky sekt në sekretariat dhe mandate deputetësh, por dhe të tjerë janë një nga shkaktarët kryesorë të humbjeve dhe situatës kritike ku ndodhet PD-ja.

Nga pas ju vjen edhe qershia mbi tortë, një gazetar që shkruan fjalime me pagesë dhe statuse për Facebook, pjesë e kësaj strukture që me zë të hollë dhe blegërimë si dele nuk mundet të plotësojë vendimet e thata dhe të pavlera, servilizmin e paepur dhe si zëdhënës i sektit, sot është në krah të djathtë të Lulzim Bashës. I paguar prej familjarëve të tij, ndoshta dhe me kosto shumë të lartë. Në fakt të gjithë ata bashkë, deputetë, sekretarë dhe tullacët nga pas, sa vlejnë e kanë treguar zgjedhjet dhe gjendja ku ndodhet PD-ja, ne qarqet ku ata drejtojnë, por edhe në Tiranë.

Me këtë sekt, frutet e kunatit dhe paaftësinë e Lulzim Bashës, do të duket një situatë vërtetë kritike, e dhimbshme dhe fatkeqësisht edhe shumë e pashpresë./ CNA.al