web counter
LEXO PA REKLAMA!

SHKARKO APP

App Store
Google Play

“Zgjohet” Policia/ Goditet banda e drogës

29 Maj 2018, 13:35, Aktualitet CNA

Policia shqiptare dhe ajo greke kanë finalizuar me sukses goditjen e një rasti të trafikut të lëndëve narkotike.

Koordinimi i veprimeve dhe shkëmbimi i informacionit solli finalizimin e këtij operacioni antidroge.

Policia ka njoftuar, se Shërbimet e Policisë Kufitare të Livadhjasë, Sarandë gjatë patrullimit në kufirin jeshil, nëpërmjet mjeteve logjistike kanë konstatuar disa persona të cilët po transportonin çanta të dyshuara me lëndë narkotike në drejtim të piramidave P.51 e P.52.

“Menjëherë Policia Kufitare e Livadhjasë ka kontaktuar me Policinë e Igumenicës, të cilët janë vënë në lëvizje duke mbajtur në monitorim zonën.Ndërkohë nga ana e Shërbimeve të Stacionit të Livadhjasë u organizuan shërbime si dhe krehje territori në bashkëpunim edhe me grupin operacional”, thuhet në njoftimin e policisë.

Policia më tej informon, se  mëngjesin e sotëm në vendin e quajtur ?Dhafni? Filat,  antidroga e Igumenicës ka kapur 2 shtetas grekë, konkretisht E.K., 50 vjeç banues në Trikalla dhe G.S., 51 vjeç, banues në Athinë, të cilët transportonin me një mjet “Mercedes”, të marrë me qira nga shtetasi E.K., rreth 198 kilogramë lëndë narkotike.

Ndërkaq po bashkëpunohet me palën greke për të identifikuar dhe kapur shtetasit shqiptarë që dyshohet se u kanë shitur lëndën narkotike dy shtetasve grekë./CNA.al

 

 





Lajmet e fundit nga