E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çelja e negociatave/ Rama skeptik

29 Maj 2018, 13:12, Aktualitet CNA

Kryeministri Edi Rama gjatë një interviste të dhënë për median franceze ?France TV? ka komentuar zhvillimet politike në vend.

Ai ka folur për protestën e 26 maj i cili e ka quajtur veprimtari normale politike. Sipas tij në një vend demokratik është normale të bëhen protesta.

?Shqipëria ka parë manifestime më të mëdha, kjo është jeta demokratike e vendit dhe është normale. Kemi shumë rezultate që janë themelore, ndryshe KE nuk do të bënte rekomandimin pa kushte për negociatat dhe jemi të ndërgjegjshëm për të bërë dhe nuk është duke trokitur në dyert e BE për t?u bërë anëtarë, por jemi duke u përgatitur, pasi negociatat do të vijojnë shumë vite?, është shprehur Rama.

Sipas tij, Europa po vuan nga kriticizmi që vjen nga brenda BE, ka shumë arsye, një prej tyre është sot Europa është duke jetuar një çast që brezi i ri nuk e ka njohur luftën.

Rama është kthyer pas në kohë duke risjellë në vëmendje situatën në BE në kohën kur ai ka qënë Ministër Kulture.

?Unë nuk isha i vogël, por Ministër i Kulturës në kohën e luftës së Kosovës dhe kjo është arsyeja që Europa është vendi i paqes dhe sigurisë?, ka thënë Rama.

Sipas Ramës aktualisht nuk bëhet fjalë në fakt për zgjerim të BE, por atë që ka thënë Presidenti francez thellim të unionit dhe thellim të reformave të vendeve të Ballkanit para se të bëhemi anëtarë, nuk është zgjerim faktik.

?Sot nuk bëhet fjalë për anëtarë të rinj, por për të ndihmuar vendet e Ballkanit. Negociatat nuk i kushtojnë asnjë qindarkë Europës, por janë rrugëtim për të vijuar reformat?, ka thë ndër të tjera.

Po Shqipëria a e ka rrugën të hapur për në BE?

Rama pranon se ka shumë kapituj dhe reforma që duhet të përmbushen.

?Azilkërkuesit dhe të rinjtë që largohen? Njerëzit largohen, kthehen sërish, është normale që njerëzit të largohen dhe të kthehen. Nuk na vjen keq, se historia na tregon se vendet më të pasura sot, kanë qenë të varfra dhe më pas kanë ndihmuar familjet e tyre, janë kthyer pas me kulturë dhe kapacitete të reja?, ka deklaruar kryeministri Rama.