web counter
LEXO PA REKLAMA!

SHKARKO APP

App Store
Google Play

Krimi, qeveria, opozita dhe LSI

28 Maj 2018, 16:23, Aktualitet CNA

Çdo ditë flitet për krimin dhe denoncohet krimi nga opozita, duke sulmuar kështu qeverinë Rama 2. Me të drejtë opozita e artikulon këtë problematikë, por nëse ka një forcë politike që nuk mund të flasë për këtë, kjo është LSI-a, sepse ajo ende nuk ka ftohur karrigen e pushtetit.

Është e drejtë të flasë Partia Demokratike apo partitë e tjera opozitare prej ardhjes së Ramës në pushtet, por assesi nuk mund të flasë LSI-a dhe të tregojë moral në politikë, kur jo vetëm që nuk i është ftohur ende karrigia e pushtetit, por edhe në këtë kohë që flasim, në këtë qeveri të inkriminuar ka.

Shqipëria nuk u mbush për një ditë me drogë dhe nuk u kriminalizua të nesërmen që LSI doli në opozitë, por u mbush çdo ditë bashkëqeverisjeje PS-LSI. Të gjithë ministrat e kësaj të fundit, nuk thanë asnjë fjalë, përveç Ylli Manjanit, i cili për shkak të denoncimeve të tij u ndëshkua duke u larguar nga posti që mbante. Jo vetëm që nuk u largua dikush tjetër veç Manjanit, por Petrit Vasili e të tjerë zunë vendin e tij.

Kjo që LSI bën, duke artikuluar çdo ditë krimin dhe moralin në politikë, tregon një hipokrizi të pështirë politike.

Edi Rama është i krimit, kriminelëve drogës dhe banditëve kur LSI del në opozitë. Po më parë?

Edhe sot që flasim LSI nuk ka asnjë fjalë kundër Fatmir Xhafës, por qëndron nën sqetullat e tij, edhe pse Partia Demokratike e sulmon çdo ditë për mbrojtje të krimit me anë të vëllait të tij, trafikant. Hipokrizia e LSI nuk ka të ndalur ndaj dhe shqiptarët i braktisin kauzat e opozitës ku futet banda e Metës dhe Kryemadhit.  /CNA.al





Lajmet e fundit nga