web counter
LEXO PA REKLAMA!

SHKARKO APP

E fundit!

x

Tahiri në liri/ Ja cilët janë gjyqtarët që e “nxorën” nga shtëpia

28 Maj 2018, 13:56, Aktualitet CNA

Ish-Ministri i Brendshëm Saimir Tahiri, është lënë i lirë sot nga Gjykata e Apelit për Krime të Rënda.

Pas rreth dy javësh në arrest shtëpie, Tahiri është në hetim në gjendje të lirë, duke u shfuqizuar kështu vendim i Gjykatës së Shkallës së Parë.

Trupa e gjyqtarëve që nxorën nga shtëpia Saimir Tahirin janë Saida Dollani dhe anëtarët Sokol Binaj e Fehmi Petku.

Ky i fundit zëvendësoi anëtaren e mëparshme, Nertina Kosova, e cila pati dhënë dorëheqjen.

Ish-ministri i Brendshëm, Saimir Tahiri i akuzuar si bashkëpunëtor në trafikun e drogës me Habilajt.

Së fundmi Ambasadori amerikan në Tiranë, Donald Lu, deklaroi se gjykatës po i bëhen presione dhe kërcënime.

Sipas tij ka patur tentativa për ta blerë për këtë çështje tek gjyqtarë të caktuar.

Lu nuk foli për emër konkret gjyqtari dhe deri më tani, kjo akuzë mbetet thjesht perceptim./CNA.al





Lajmet e fundit nga