Dejatet pas arrestimit/ Çfarë do të ndodhë me “Dëshmitarin X” në Kosovë?

28 Maj 2018, 11:02, Aktualitet CNA

Skandali ?Xhafaj? prej disa ditësh ka vënë në lëvizje Prokurorinë e Krimeve të Rënda.

Pasi u thirrën për të dëshmuar denoncuesit, e skandalit, dy deputetë dhe një zyrtar i PD, Krimet e Rënda thirrën edhe Albert Veliun si dhe gazetarin që e kishte intervistuar këtë të fundit.

Pas këtyre veprimeve dëshmitari X, është larguar nga Shqipëria, në drejtim të Kosovës ku edhe ka kërkuar strehim politik.

CNA.al ka mësuar, se në kohën kur Veliu ka hyrë në territorin e Kosovës, ai është ndaluar nga forcat e policisë së atjeshme, të cilët janë interesuar tek autoritetet në Shqipëri, nëse duhet ta lejonin të qëndronte në Kosovë.

Gjithnjë sipas të njëjtave burime, Prokuroria e Krimeve të Rënda, i ka kërkuar Policisë së Kosovës që ta ndalojnë dhe sa sjellin në Shqipëri.

Aktualisht, po kryhen procedurat për deportimin e tij, për t?iu dorëzuar në kufi Policisë së Shqipërisë.

Albert Veliu, i njohur ndryshe si ?dëshmitari X? i audio-përgjimit të publikuar nga PD, implikonte vëllain e ministrit të Brendshëm Fatmir Xhafaj, në trafik narkotikësh.

Në një video të publikuar nga PD, 51-vjeçari tregoi me detaje të gjithë punën, në det siç thoshte ai, aty ku trafikonte kanabis dhe kokainë. Ai ka thënë se ka qenë pjesë e grupit të Agron Xhafajt, por kur ra në burg në Peskara, ai e harroi.

?U kapa në Peskara. Kur rashë brenda në burg s?më solli asnjë paketë cigare, as një copë letër, se ishim shokë. Kur erdha në Shqipëri e takova, më ofroi një punë për djalin, në 2016, për djalin që është 22 vjeç. Punoi kamerier 6 muaj, por se përballoi dot dhe e hoqën. Para 5 muajsh i kërkova të më bënte një nder, për të hedhur barishte në Itali, hashash për ta çuar në Itali. Më prezantoi me Ermalin. Ia kërkova se isha keq ekonomikisht. E vura në provë se sa korrekt ishte. I kërkova këtë nder dhe nuk doja të vazhdoja këtë provë biznesi, doja ta provoja. Kur rashë në burg, s?më erdhi të më sjellë një paketë. Ai është biznesmen, komandon Vlorën. Ka biznese, atë punë ka bërë tërë kohës, me hashash? ka thënë Veliu. /CNA.al