E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Vendime me anëtarë pa mandat/ Kujt po ia hap derën e burgut “lali Eri”?

28 Maj 2018, 09:00, Aktualitet CNA

Që në muajin shkurt Gjykata Administrative i ka shpallur të pavlefshme 6 mandate në Këshillin Bashkiak të Tiranës.

Bëhet fjalë për mandatet e këshilltarëve Abdyl Saraja, Eni Pëllumbi,Liri Jani, Gerta Përllumbi, Laureta Sinanaj dhe Genata Mezini, të cilët kanë marrë detyrën, pasi paraardhësit e tyre u zgjodhën deputetë të Partisë Socialiste, në zgjedhjet e 25 qershorit.

Sipas Gjykatës, në mbledhjen e 26 korrikut, 2017, 6 këshilltarë të PS-së nuk e kanë marrë mandatin sipas proçedurës ligjore.

Ndërkohë me votat e këtyre anëtarëve janë marrë vendime të rëndësishme në Këshillin Bashkiak të Tiranës. Një nga këto vendime është edhe rritja e çmimit të ujit.

Këto vendime konsiderohen nul nga grupi i këshilltarëve të djathtë.

Kreu i grupit të këshilltarëve të PD ?së, Kreshnik Çollaku në një prononcim për CNA.al, ka treguar hapat që do të ndërmarrin për kundërshtimin e këtyre vendimeve.

?E para ne kemi shpallur marrëdhënie të kushtëzuar me Këshillin Bashkiak. Ne nuk njohim asnjë vendim. Ne nuk bëhemi pjesë e asnjë debati normal, kur në sallë janë këta gjashtë individë me mandate nul. Me përjashtim të ndihmës sociale, e cila pa votën tonë bëhet e pavlefshme dhe bllokohet. Do të votojmë vetëm ndihmën sociale dhe jo ndihmën ekonomike?, ka thënë Çollaku.

PD do të ndjekë rrugën gjyqësore për të kërkuar anulimin e vendimeve të marra me votat e këshilltarëve pa mandat.

?Do përgatisim dhe do dërgojmë në Gjykatën e Tiranës çdo vendim, sepse Gjykata e Tiranës i ka shpallur nul mandatet e tyre që në shkurt , duke bërë mandatet e tyre absolutisht të pavlefshëm që nga korriku i 2017-ës. Çdo vendim i votuar nga këta individë që nga korriku i 2017-ës është i pavlefshëm dhe do të dërgohet në gjykatë fill pas tij?, ka thënë më tej Çollaku.

Sipas tij, problemi qëndron se vendimi i Gjykatës Administrative është dërguar në Gjykatën e Apelit.

?Thonë që është në Apel, por në fakt është e pamundur që Apeli ta kthejë. Por në çdo rast këta janë aktiv dhe vazhdojnë të votojnë. Këta kanë votuar çmimin e ujit, këta kanë votuar rritjen e taksave. Janë të gjitha vendime të rëndësishme, nuk janë thjesht vendime politike, por vendime me pasoja financiare.

Sipas Çollakut, nëse Gjykata e Tiranës konfirmon kërkesën e tyre, dikush mund të shkojë dhe në burg.

Pyetja shtrohet, kujt po ia përgatit burgun Erion Veliaj, i cili nuk ka reaguar për asnjërin prej vendimeve të marra me këshilltarë pa mandat?

?Janë mbledhur taksa, janë paguar qoftë edhe rroga me vendime të miratuara me 6 mandate false. Ne nuk kemi votuar asnjë projektligj, ne nuk kemi votuar buxhetin, ne nuk kemi votuar për taksat. Ne nuk kemi votuar për asgjë dhe të gjitha vendimet janë marrë me këto gjashtë vota.

Dhe nëse Gjykata e Apelit i konfirmon Gjykatën e Shkallës së parë dhe i shpall këto nul, atëherë do shkojë në burg kush ka firmosur sepse janë bërë veprimtari financiare me vendim të paligjshëm.

Kjo është një situatë e paprecedentë. Është në kolaps të përditshëm. Që nga korriku i 2017-ës është e gjitha e paligjshme.

Për çdo vendim ku kanë marrë pjesë këta gjashtë njerëz dhe nuk ka votuar opozita, janë të paligjshme dhe mund të rrëzohen?, është shprehur Çollaku për CNA.al.

Skandal/ Erion Veliaj shkel vendimin e Gjykatës