web counter
LEXO PA REKLAMA!

SHKARKO APP

App Store
Google Play

E fundit!

x

Niko Peleshi riemëron në doganë vëllain e kreut të PD-së

28 Maj 2018, 11:06, Aktualitet CNA

Niko Peleshi, i cili është ministër i Bujqësisë dhe kreu i  listës së PS në qarkun e Korçës, nëpërmjet të cilit kalon çdo emërim, që nga pastrueset deri te drejtorët më të rëndësishëm.

Mësohet se nga ndërhyrja e Fahri Balliut disa muaj më parë është rikthyer në punë si doganier në doganën e Goricës, vëllain e kreut të PD-së në Korçë, Andrea Mano.

Doganat dhe tatimet u përfshinë nga një furtunë me ardhjen e socialistëve në pushtet në vitin 2013, dhjetëra inspektorë, përgjegjësa dhe drejtorë u larguan nga puna për shkelje të ligjit, të tjerë të akuzuar për korrupsion dhe jo pak me dorëheqje.

Një nga të larguarit në atë kohë Petrika Mano, pra afërsisht në zgjedhjet lokale të vitit 2015, i cili në mënyrë të habitshme, me shpejtësi skëterrë fitoi të gjitha shkallët e gjyqësorit administrativ dhe më pas u rikthye në punë.

Janë me qindra dhe mijëra të larguarit nga administrata që kanë fituar gjyqet dhe askush nuk është kthyer, janë shumë të pakët ata që kanë mundur të ripërfshihen në administratën e socialistëve.

Një nga ata është edhe vëllai i kreut të PD-së, Korçë, i cili është rikthyer në detyrën e doganierit, me shumë gjasa me ndërhyrjen e Fahri Balliut tek Niko Peleshi apo vetë vëllait të tij, i cili ka qënë ortak në biznese me ish-zv.kryeministrin dhe ministrin e sotëm të Bujqësisë.

Fahriu, Nikoja, apo vendimi i zbatuar menjëherë në mënyrë të ?rastësishme? nuk kanë rëndësi. Fakti është fakt. Vëllai i  kreut të PD-së Korçë është rikthyer doganier, ndërkohë mijëra qytetarë të thjeshtë, pjesë e administratës vazhdojnë të enden rrugëve, ashtu si socialistët dhe demokratët e ndershëm.

Po të jesh pjesë e tarafit të Rilindjes, nuk ka rëndësi se me kë parti je./ CNA.al





Lajmet e fundit nga