web counter
LEXO PA REKLAMA!

SHKARKO APP

App Store
Google Play

E fundit!

x

Opozita bojkoton Kuvendin?/ Zbardhen porositë e Bashës para grupit të PD

28 Maj 2018, 12:45, Aktualitet CNA

Kreu i Partisë Demokratike, Lulzim Basha gjatë mbledhjes së grupit parlamentar, e ka cilësuar plotësisht legjitim bojkotin e parlamentit deri në shkarkimin e Fatmir Xhafajt, megjithatë sipas tij  lëvizja drejt bojkotit parlamentar në këto momente nuk është i përshtatshëm.

Basha theksoi se bojkoti në këto momente rrezikon të devijojë vëmendjen nga çështja kryesore: ?qeveria e lidhur me krimin?.

Gjithashtu, kreu demokrat është shprehur se largimi i Fatmir Xhafajt është kusht i panegociueshem i opozitës dhe veprim i domosdoshëm për hapjen e negociatave.

?Bojkoti i parlamentit deri në shkarkimin e Xhafajt që u propozua nga shumica e deputetëve është plotesisht  legjitim dhe më i natyrshmi në këto rrethana politike.

Në fakt e vetmja mënyrë sesi mund të hapen negociatat është që, kur Europa sheh se edhe kur Rama-Xhafaj me krimin i organizuar kanë kapur shtetin, qytetarët nuk e pranojnë, e refuzojnë, nuk mbyllin sytë . Kjo i tregon partnerëve se edhe pse Rama nuk i ka plotesuar kushtet, shqiptarët me reagimin e tyre si europianë që refuzojnë dhe nuk e pranojnë të keqen.

Lëvizja drejt bojkotit parlamentar në kushtet kur jemi investuar fort për hapjen e negociatave, rrezikon të deviojë vëmendjen nga çështja kryesore: Që kemi një qeveri të lidhur me krimin e organizuar dhe trafikun e drogës. Kemi një ministër të Brendshëm, vëllai i të cilit është një trafikant ndërkombetar droge, i dënuar në Itali nga drejtësia italiane por që me mbrojtjen dhe ndihmën e vëllait minister të Brendshëm vazhdon aktivitetin kriminal. Kemi një kryeministër që është kaq i lidhur me krimin sa kalon nga nje minister i Brendshëm, pjesë e një organizate kriminale të trafikut të droges te një minister qe ka vënë Ministrinë, policinë dhe prokurorinë në funksion të mbrojtjes së vetes dhe vëllait të tij trafikant droge.

As shqiptarët as Europa nuk mund të pranojnë që vendi të kalojë nga policia Tahiri Habilaj te policia Xhafaj dhe prokuroria Rama Xhafaj.

Fatmir Xhafaj duhet të largohet nga Ministër i Brendshëm dhe të hapë rrugën për një hetim të pavarur dhe të pandikuar nga pushteti që ai mban sot.

Policia e Shtetit duhet të çlirohet nga kapja prej klanit Xhafaj, i cili zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës.

Lufta kundër krimit dhe drogës është një kusht kryesor i hapjes së negociatave me Bashkimin Europian, plotësimi i të cilit po vazhdon t?i kërkohet me forcë qeverisë shqiptare nga qeveritë europiane? -tha Basha./ CNA.al





Lajmet e fundit nga