E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Zyrtarja e LSI-së "shkelmon" Kryemadhin/ Bashkohet me Ramën?

22 Maj 2018, 09:07, Aktualitet CNA

Qeveria në kuadër të turit të llogaridhënies publike është zhvendosur në qytetin e Gjirokastrës që një ditë më parë.

Kryeministri dhe Ministrat kanë zhvilluar takime dhe diskutime me qytetarët.

Në krah të kryeministrit Rama u pa dhe kryetarja e Bashkisë së Gjirokastrës, Zamira Rami.

Shfaqja e saj pranë Ramës u komentua si një sinjal, se po braktiste LSI-në dhe Monika Kryemadhin, për tiu bashkuar me PS-së.

Por vetë Rami në një reagim në rrjetet sociale, as nuk e ka pohuar dhe as nuk e ka mohuar një gjë të tillë.

Ajo ka thënë se interesat e Bashkisë së Gjirokastrës dhe qytetarëve të saj qëndrojnë përtej bindjeve politike dhe fakti se është propozuar si kryebashkiake nga LSI nuk do të thotë se nuk do të marrë pjesë në takime dhe diskutime ku do të marr pjesë kryeministri Edi Rama.

” Personalisht kam ardhur në postin e Kryetares së Bashkisë si propozim i Lëvizjes Socialiste për Integrim dhe politikisht jam dhe do të jem pjesë e kësaj force, por mbi interesat politike unë kam marrë përsipër për të drejtuar Bashkinë, mbi interesat partiake unë kam vendosur dashurinë dhe përgjegjësinë për Gjirokastrën. Nga ana tjetër mendoj se nuk ka asgjë të keqe të përballesh me problemet e njerëzve dhe kur këtë e bëjnë bashkë, njëkohësisht të dy pushtetet nuk lënë vend për hamendje tek njerëzit, prandaj për këtë e falënderoj Kryeministrin që më ftoi të jem pjesë e panelit të llogaridhënies”, shkruan Rami ndër të tjera.

Ndryshe deklarata e saj mund të komentohet se Rami po shikon mundësitë për t’iu bashkuar PS-së, pasi LSI duket se është në grahmat e fundit.

Reagimi i plotë:

Të dashur bashkëqytetarë. Këto ditë kemi mysafir në Gjirokastër Kryeministrin e Shqipërisë dhe kabinetin e tij. Personalisht e quaj tepër të rëndësishme vëmendjen e tyre ndaj Bashkisë tonë pasi jo vetëm në kushtet e sotme, por gjithmonë, bashkëpunimi midis pushtetit qëndror dhe atij vendor, është vendimtar për zhvillimin dhe përmirësimin e jetës së komunitetit.

Personalisht kam ardhur në postin e Kryetares së Bashkisë si propozim i Lëvizjes Socialiste për Integrim dhe politikisht jam dhe do të jem pjesë e kësaj force, por mbi interesat politike unë kam marrë përsipër për të drejtuar Bashkinë, mbi interesat partiake unë kam vendosur dashurinë dhe përgjegjësinë për Gjirokastrën. Nga ana tjetër mendoj se nuk ka asgjë të keqe të përballesh me problemet e njerëzve dhe kur këtë e bëjnë bashkë, njëkohësisht të dy pushtetet nuk lënë vend për hamendje tek njerëzit, prandaj për këtë e falënderoj Kryeministrin që më ftoi të jem pjesë e panelit të llogaridhënies.

Çfarë të mire do të kishte Bashkia dhe komuniteti i saj nëse unë do të sillesha ndryshe? Unë jam e qartë në veprimet e mia prandaj për të shuar të gjitha hamendjet e ngritura në disa media mbi takimet dhe të gjithë qëndrimin tim gjatë turit të Kryeministrit dhe Kabinetit Qeveritar, sqaroj se ato kanë të bëjnë, së pari me mikpritjen Gjirokastrite ku mysafiri nderohet dhe nuk i kthehen krahët dhe së dyti sepse vlerësoj se nuk ka më të rëndësishme se vëmendja e Qeverisë ndaj Gjirokastrës. Të gjitha hamendjet e tjera nuk kanë asnjë lidhje me qëndrimin tim.

Ju uroj të gjithëve një ditë të mbarë!”, shkruan Rami në rrjetet sociale. /CNA.al