E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Notis Sfakianakis nuk është dilemë

22 Maj 2018, 07:26, Aktualitet CNA

Një reagim thuajse në histeri dhe tepër pa kuptim ka plasur me deklarata apo në rrjetet sociale në lidhje me koncertin, që pritet të japë këngëtari grek Notis Sfakianakis në Pallatin e Kongreseve, të enjten në mbrëmje.

Një reagim thuajse pervers nga kolegë këngëtarë dhe agjencitë mediatike, një sulm nga mjeranë dhe të paditur në rrjetet sociale. Gjithçka me pretendimin se këngëtari i përket një partie ekstremiste greke dhe ka bërë deklarata kundër shqiptarëve.

Që të qetësohen gjakrat e nxehta në rrjet apo të kolegëve të turpshëm, të gjithë duhet të dimë se ai nuk vjen si një politikan apo si një mbështetes i një force politike, por si një këngëtar. Për ata që nuk e njohin, le ta mësojnë se është ?mbreti? i muzikës moderne greke dhe trashëgimtari i denjë i Giannis Parios, Jorgo Dalaras, Teodor Akis, e shumë e shumë të tjerë.

Histeria duket se vjen nga ata që këndojnë tallavave, vjedhin muzikën e të tjerëve, në treg luftojnë me komercializma dhe të gjithë së bashku në Shqipëri nuk kanë mundur të shesin një të njëmijtën e albumeve të Notis, pa folur sesa janë dëgjuar ata dhe Sfakianakis.

?Soma Mou? është një nga hitet e tij prej shumë e shumë vitesh që nuk ka shqiptar që nuk e ka dëgjuar. Ndoshta e kanë kërcyer e dëgjuar, edhe ata që sot e sulmojnë.

?Giftissa Mera? është një tjetër hit i shumë dëgjuar dhe ky është shembulli i dytë, për të treguar se Notis në Shqipëri me këto dy hite i vetëm është dëgjuar disa herë më shumë dhe krahasimisht e pamundur për tu bërë, sesa ata që sot e sulmojnë.

Notis Sfakianakis nuk ka nevojë për reklamë. Për reklamë ka nevojë Shqipëria dhe në qoftë se ka folur një fjalë të tepruar për Shqiptarët, mënyra më e mirë për të vendosur me shpatulla pas murit, është ta duartrokasim dhe ti tregojmë që nuk jemi nga ata që mendon ai, por jemi një popull europian që di të ndajë politikën nga muzika, dhe di ta ndajë të bukurën përtej injorancës dhe nacionalizmave që keqpërdoren për kredite politike të momentit.

Në fakt të gjithë duan të shkojnë dhe inatin e kanë me çmimin e biletës, mesa duket. Pra, po të shohësh edhe ata që e pëlqejnë shumë, reagimin e kanë për koston e lartë që duhet për të shkuar. Por edhe kjo e ka të vërtetën brenda. Notis është një këngëtar i cili ka kosto të lartë dhe një standard tjetër. Një koncert i tij shkon rreth 100 mijë euro pagesa, pa shkuar më tej skena, ndriçimi, fonia, orkestra, të cilat kanë një kosto sa gjysma e pagesës së tij. Pa shtuar këtu charterin me 30 persona dhe qëndrimin dy ditë në Tiranë dhe koston që ka.

Pra, ka një biletë kaq të shtrenjtë sepse ka kosto të larta. Ka njerëz që mund të paguanin 50 mijë lek të vjetra për të parë Alban Skënderajn. Me gjithë respektin dhe vlerat e Albanit, jo sepse është grek, por sepse vlen më shumë në treg dhe kjo e vlerësuar nga agjencitë muzikore. Për të parë Notis, do të paguash dyfishin.

Për ta mbyllur, ata që tërbohen në nacionalizma duke gjetur hapësirë tek një koncert janë në momentin e gabuar dhe në hapësirën e gabuar.

Do t?ju shkonte më mirë të ishin kaq reagues dhe kaq nacionalistë kur politika i shkel me këmbë. Do të ishte më mirë të ishin kaq reagues ndaj dinjitetit njerëzor dhe respektit për Shqipërinë, jo duke tentuar të njollosin një këngëtar, por duke investuar për vendin e tyre. Që nga sjellja, bashkëjetesa, respektimi i ligjit etj.

Notis nuk është një dilemë, sepse nuk vjen si një politikan, por si një këngëtar./ CNA.al