web counter
LEXO PA REKLAMA!

SHKARKO APP

App Store
Google Play

E fundit!

x

Ish ministri i Drejtësisë rrëfen dëshminë e dhenë në Prokurori

21 Maj 2018, 19:49, Aktualitet CNA

Gazmend Bardhi, ish ministri i Drejtësisë në Qeverinë Teknike që administroi zgjedhjet e Përgjithëshme parlamentare të vitit të shkuar, është njeri nga tre zyrtarët të cilët u thirrën sot nga Prokuroria e Krimeve të Rënda, lidhur me audiopërgjimin e bisedës së vëllait të ministrit të Brendshëm Fatmir Xhafaj, me një ish të dënuar për trafik ndërkombëtar droge.

I qenë prezent në emisionin e sotëm “5 Pyetjet nga Babaramo” Bardhi ka treguar se në Prokurori qëndroi rreth njëzetë minuta, dhe iu bënë disa pyetje për përgjimin “misterioz”. Kaq, pasi pjesën tjetër ai e vlerësoi si “sekret hetimor”, që nuk lejohej të publikohej.

“Nuk mund të nxjerr sekretin hetimor për atë që dëshmova në prokurori. Më pyetën për ato që bëmë publike dhe faktet. Seanca zgjati rreth 20-30 minuta. Ishin 2-3 pyetje që lidheshin me materialin që u bënë publike, ne qëndrimin tonë e kemi publik. Personat që duhet të ishin sot në prokurori duhet të ishte Xhafaj dhe vëllai i tij. Unë nuk kam bërë krim, kam denoncuar një aferë ku janë përfshirë ministri i Brendshëm dhe vëllai i tij. Salianji qëndroi pak më gjatë, ndërsa Alibeaj sa unë. Prokurorë ishin, dy Gentian Osmani dhe Përparim Kulluri. Nuk besoj se ka arsye për të na rithirrur. Iu kërkuan origjinalin? Ne nuk kemi kryer përgjim, nuk është PD autorja e përgjimit, ka një deklaratë të atyre që e kanë realizuar”, ka thenë Gazmend Bardhi./CNA.al





Lajmet e fundit nga