E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Masakrimi i 27-vjeçarit në komisariatin e Korçës/ Paralajmërohet protestë para Ministrisë

21 Maj 2018, 17:47, Aktualitet CNA

Një 27-vjeçar humbi jetën disa ditë më parë në paraburgimin e Korçës, ku ndodhej pasi akuzohej për vjedhje.

Familjarët e të ndjerit Enea Ftoi, 27 vjeç, fajësojnë policinë për vrasjen e të dashurit të tyre, duke e dhunuar në qelitë e paraburgimit, një pretendim ky i mohuar nga policia.

Ndonëse policia në njoftimin për shtyp shprehet se 27-vjeçari Ftoi, është gjetur i pajetë në qeli, ekspertiza mjeko-ligjore shprehet për shenja të shumta dhune në pjesë të ndryshme të viktimës.

Lidhur me këtë, familjarët dhe qytetarët e Korçës kanë lajmëruar për protesta para Komisariatit të qytetit por edhe para Ministrisë së Brendshme. Protesta e radhës do të mbahet pikërisht në Tiranë, pranë Ministrisë së Brendshme.

Në deklaratën për media që paralajmëron këtë protestë shkruhet:

“Kemi vendosur te reagojme sot ndaj nje padrejtesie te madhe , ndaj nje diskriminimi te hapur qe cenon te drejten e jetes.
Nje djale i ri i minoritetit egjiptian arrestohet dhe del i vdekur nga ambjentet e paraburgimit. Permes informacioneve ne media dhe kontakteve nga afer kemi marre dijeni se, ne date 17.05.2018, shtetasi Enea Ftoi, 27 vjeç, ka humbur jeten ne rrethana te paqarta ne dhomat e sigurise te Komisariatit te Policise Korçe.
Sipas deshmive te familjareve te te ndjerit, dyshohet se vdekja e ketij shtetasi ka ardhur nga ushtrimi i dhunes fizike ne dhomat e sigurise se ketij Komisariati.
Prokuroria ka regjistruar procedimin penal per te hetuar shkaqet e ngjarjes dhe personat pergjegjes.

Raste te dhunes policore te ushtruar ndaj personave jane te shumta, por me se shumti kane qene perkundrejt qytetareve egjiptian.

Realiteti e ka deshmuar tashme se e verteta eshte qe diskriminimi eshte kaq i pranishem saqe te merr edhe jeten. I tille ishte dhe Enea, i diskriminuar per shkak te entise dhe faktit qe ishte i varfer.
Ne ne emer te tij, dhe te drejtes se jetes kerkojme:
-Drejtesi per Enean dhe per cdokend tjeter qe vihet ne pozita te pabarabarta per shkak te entise.
-Bejme thirrje qe Ministria e Brendshme te reagoje dhe te ndermarra masa urgjente per te vene drejtesi dhe per te parandaluar perseritjen e ngjarjeve te tjera c’njerezore.
-I bejme thirrje prokurorise te gjykoje kete ceshtje me ndershmeri dhe te jap nje gjykim ku personat pergjegjes te marrin ate cka meritojne para organeve te drejtesise.
-Gjithashtu i bejme thirrje shtetit te ofroje kujdes te vazhdueshem per tre femijet dhe gruan e tij, per ti siguruar ushqim dhe strehim te sigurte.

Trajtimi i kesaj ngjarjeje do te deshmoje se sa shteti shqiptar garanton te drejten e jetes dhe se sa ofron drejtesi per shtetasit e varfer.
“Enea iku, por Krimi mbeti”” /CNA.al