web counter
LEXO PA REKLAMA!

SHKARKO APP

App Store
Google Play

E fundit!

x

Bisedimet për emrin e ri të Maqedonisë zhvendosen në SHBA

21 Maj 2018, 16:37, Aktualitet CNA

Pasi nuk u arrit një marrëveshje dakortuese lidhur me emrin e ri të Maqedonisë, bisedimet midis Greqisë dhe Maqedonisë do të zhvendosen në Nju-Jork. Mbajtja e tyre do të jetë më 24 dhe 25 maj kur përveç dy ministrave të punëve të jashtme, atij të Maqedonisë dhe Greqisë, do të jetë palë edhe përfaqësuesi i OKB Methju Nimic.

Ndërsa ky i fundit ka shprehur bindjen se zgjidhja mund të gjendet, kryeministri maqedonas Zoran Zaev ka vlerësuar se propozimi ?Republika Ilinditase e Maqedonisë? në Maqedoni nuk bie poshtë.

Ky propozim, raporton “Tetova Sot” sipas Zaevit, është i vlefshëm për shkak se i plotëson pritjet e shumicës së qytetarëve të dy vendeve.

Zaev theksoi, gjthashtu se ai dhe kryeministri grek Cipras besojnë tërësisht në këto zgjidhje dhe se këta të dy janë vetëm një nga hallkat në gjithë këtë proces.  Ai shprehu bindje se bisedimet do të vazhdojnë dhe duhet t?i jepet shans këtij propozimi, i cili, siç shtoi, beson se është zgjidhje për kontestin 25 vjeçar.

?Flasim për pako, e jo për pjesë vetanake. Nuk mund të pritet ndryshim kushtetues në Maqedoni për çfarëdo qoftë zgjidhje, për këtë pranuam ne ndryshim kushtetues, sepse është zgjidhje që nuk na nënçmon. Do ta ruajmë dinjitetin tonë, e pastaj çështjet e identitetit janë fiksuar, e me këtë rast i plotësojmë edhe kushtet e tyre?, theksoi kryeministri Zaev, ditën e sotme para Gjykatës Penale.





Lajmet e fundit nga