E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zgjedhja në Kushtetuese e të dënuarit për aktivitet kriminal/ Letër presidentit për mosdekretim

21 Maj 2018, 18:20, Aktualitet CNA

Zgjedhja me votat e 71 deputetëve të Kuvendit për të qenë pjesë e Gjykatës Kushtetuese e një personi të përfshirë më parë në aktivitetin e një grupi kriminal, ka sjellë reagimin e ashpër të deputetëve të lëvizjes VetëVendosja.

Duke mos patur dijeni rreth të shkuarës së tij, shumica e deputetëve e zgjodhi me shtatëdhjetë e një vota “pro” Radomir Labanin, përfaqësues i komunitetit serb, anëtar të Gjykatës Kushtetuese të Kosovës. Labani ishte njëri nga dy kandidatët pretend për këtë post dhe ja doli të fitonte kundrejt konkurentit tjetër që morri më pak vota se ai. Mirëpo më pas doli se përzgjedhja e tij kishte qenë një skandal i rrjedhur nga padija e deputetëve për të shkuarën e tij. Sepse Labani kishte qenë pjesë e grupit të quajtur ?Carinska Mafija?, i përbërë nga 17 persona, sipas medieve serbe, dhe ishte arrestuar në vitin 2006.

Në vijim të protestës, përmes deputetes Albulena Haxhiu, Lëvizja VetëVendosje i ka adresuar ditën e sotme letër zyrës së Presidentit të vendit, ku i ka kërkuar të mos e dekretojë si gjyqtar në Gjykatën Kushtetuese, Radomir Labanin. Për kërkesën e saj VV-ja është bazuar në një nen të Kushtetutës së Kosovës. Në njoftimin e plotë të VV-së lexohet:

“ Deputetja Albulena Haxhiu, në emër të Grupit parlamentar të Lëvizjes VetëVendosje i ka dërguar sot letër zyrës së Presidentit të Kosovës për të mos e emëruar si gjyqtar në Gjykatën Kushtetuese Radomir Laban. Sipas informacioneve që janë bërë publike në media, i njëjti është dënuar si pjesë e një grupi kriminal.

Sipas Gjykatës Kushtetutës së Republikës së Kosovës, neni 114 paragrafi 1 thuhet se:

?Gjykata Kushtetuese përbëhet nga nëntë gjyqtarë të cilët do të jenë juristë të shquar dhe personalitete me moralin më të lartë??

Njoftojmë po ashtu se para votimit pasi që jemi informuar me këtë çështje kemi bërë përpjekje për ta ndalur votimin me disa nga grupet e tjera por ata kanë vijuar me votimin për.

Në këto kushte po njoftojmë dhe po paralajmërojmë Presidentin që nëse dhe ai nuk e kthen këtë vendim që përmban shkelje të rëndë të Kushtetutës, do t?i hapet rrugë delegjitimimit të institucionit të Gjykatës Kushtetuese”.