E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Enno Bozdo jep udhëzime për parullat në protestë

20 Maj 2018, 09:29, Aktualitet CNA

Enno pas ditëve të para, kur tragjizmi i ngjarjeve e bëri hermetik e të heshtur si gurë varri, sikur e gjeti buzëqeshjen dhe njerzillëkun që e karakterizon. Përsëri e mbyll derën me orë të gjata, por e ka lejuar Danen , sekretaren e qeshur të Bashës se ajo tjetra i duket noprane, që të hyjë herë pas here dhe t’i lyejë ca feta buke me marmalatë të shoqëruar me ndonjë gotë qumësht apo pak djathë dhie.

Gjithsesi dozat e misterit janë ende tejet të larta përreth tij. Tensioni i ditëve të para i të shkruajturit plan kombëtar të shpëtimit sikur po bie në shtratin e vet. Pas suksesit me pyetjet që përgatiti për Babalen adrenalina i ka pushtuar gjithë kurmin. Përgjigjet e Babales gjithashtu e kishin vënë në mendime.

Fjalën e re ” mbetqejfe” e kishte shënuar diku dhe për këtë vendosi ti kërkonte shpjegime etimologjike Bardh Kadillit. Ishte ai në një orë të vonë të natës që e ndriçoi Bashën. Doli nga e vetja zyrë e siç nuk e ka zakon shkoi në të tijën Zyrë.

Lul biri im (i tha), ti ma ke thyer zemrën duke më lënë jashtë liste njëherë, ti mi ke trazuar emocionet, ma ke tharë pështymën në goje, e ke privuar politikën dhe parlamentin nga mendimi im. Ti s?me ke bërë gjë mua, por kombit atij i ke ngrënë shpretkën si korbi Prometeut!

Po Enno,- po përgjigjej Basha i ngashëryer. S?do të ndodh kurrë më. Por unë në këto 5 vite opozitë nuk mund të thuash që nuk jam udhëhequr nga mendimet e tua, kudo të kam pasur pranë në çdo kronikë ti del pas meje aq sa edhe Grida me Salianjin e ndien këtë. Lënia jote jashtë liste që në përhumbje, ishte nje makth, një gabim që më prish gjumin dhe vizionet. Më fal Enno më fal… (dhe të dy u përqafuan gjatë).

Të kam falur,- i tha Enno me bujarinë e pamat të shpirtit të tij. Tani më dëgjo!

Po Enno fol ja të mbaj shënim. Të bëjmë një protestë të madhe më datë 26. Sa më gëzove Enno,- i tha. Unë mendoj të hedhim këto parulla…po po Enno fol…. ?babale babale Edi Rama është havale?…. gjeniale mërmëriti Basha. Meqënëse Salianji me trurin e tij jo të zakontë i gjeti gjithë këto harxhe që po i kallin datën Xhafaj mendoj se duhet brohoritur ?Salianj Salianj ti je hero Grida ty prandaj të do”.

Por, kjo nuk mjafton duhet edhe një tjetër ku PD dhe Salianji të jenë të shkrirë në një të tipit ?PD është Salianji, Salianji është PD”.

Enno ta paça borxh mërmëriste Luli, je gjeni. Një tjetër duhet me karakter politik për të kuptuar unitetin tonë e për t?i kallur datën Edi Ramës ?Edi Rama o qukapik po vjen Enno nisu e ik”. Gjeniale gjeniale mërmëriste Kryetari me vete.

Tjetra “Demokratët përjetë me Lulin, Gridën dhe Salianjin”. Basha mbet pa fjalë. E përqafoi edhe një herë dhe u ndanë. Me djem si Enno tha dridhet fëmija në bark të nënës e jo më Fatmir Xhafaj e Edi Rama. /CNA.al/SATIRË