E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Politikania greke e akuzoi se harxhon lekët e grekëve, Eleni Foureira ia mbyll gojën me dy fjalë

19 Maj 2018, 08:40, Lifestyle CNA

Këngëtarja me origjinë shqiptare, Eleni Foureira, ditët e fundit ka qenë në qendër të diskutimeve nga mediat greke. Ajo përfaqësoi Qipron në Festivalin Europian të Këngës dhe u rendit e dyta, mirëpo mediat greke e gjykuan për simbolin e shqiponjës me duar së bashku me përfaqësuesin e vendit tonë, Eugent Bushpepën, të cilin e konsideruan një gjest provokues.

Ditën e djeshme në një intervistë për një televizion grek Eleni foli për herë të parë rreth komenteve raciste që ishin bërë për të, duke thënë se ata e përdorën si një mbeturinë për të nxjerrë lajme boshe.

Por pas kësaj Elenin e ka sulmuar edhe një politikane greke, e cila i ka thënë se ajo harxhon lekët e grekëve dhe fal tyre është ajo që është sot. Pas këtyre akuzave këngëtarja me origjinë shqiptare ka reaguar nëpërmjet në interviste për revistën ?Lifo?.

?Doli dhe tha që unë harxhoja paratë e Greqisë, sepse u rrita këtu. Unë punoj në këtë vend dhe jap një përqindje të madhe të të ardhurave të mia. Nuk kam vjedhur asnjë lek nga shteti. Paguaj ERT-n, bashkë me të gjithë grekët e tjerë, dhe ditën që unë këndoja ERT arriti 70% të audiencës. Nga paratë e mia paguhej znj.Makri kur ishte deputete?, ka thënë Eleni.

Gjithashtu Eleni foli dhe rreth akuzave të mediave greke, të cilat e lidhin humbjen e saj me faktin që Shqipëria e votoi me 10 pikë, ndërsa 12 pikët ia dha Italisë. Foureira u shpreh se në fakt mediat nuk duhet ta pyesin për 10 pikëshin e Shqipërisë, por për 7 pikët që i dha Greqia, pasi së pari llogaria duhet të fillojë nga ata.

?Nëse këto pikë ishin raciste, atëherë më vjen shumë keq. Ky vlerësimi juaj dëmtoi më shumë Qipron se sa mua. Gazetarët më pyetën nëse u mërzita që Shqipëria më dha 10 pikë dhe jo 12. Askush nuk më pyeti përse Greqia më dha 7 pikë në gjysmëfinale. Një sistem i tërë po përpiqet që të tregojë gjëra të cilat nuk ekzistojnë?, u shpreh Eleni Foureira.