web counter
LEXO PA REKLAMA!

SHKARKO APP

App Store
Google Play

E fundit!

x

Nis ceremonia e vitit, nusja shkon e vetme drejt altarit

19 Maj 2018, 10:04, Lifestyle CNA

Prince Harry dhe Meghan Markle pritet të lidhin kurorë pas pak në një ceremoni madhështore që do të mbahet në Mbretërinë e Bashkuar.
Vetëm pak orë para nisjes së ceremonisë janë zbuluar titujt që ata do të mbajnë në mbretëri. Ata do të jenë Duka dhe Dukesha e Sussex, fill pas martesës.

Mbretëresha i ka dhënë këtë titull nipit dhe nuses së ardhshme. Ata do të jenë të parët që mbajnë këtë titull në 175 vite dhe të dytët në radhë si Duka e Dukesha e Sussex.

Ndërkohë të gjitha pregatitjet kanë shkuar drejt fundit. Dasma sapo ka nisur dhe njerëzit kanë filluar të mblidhen. Mehgan nuk do të shoqërohet drejt altarit nga i ati, pasi ai nuk do të jetë i pranishëm në dasmën e saj.

Babai i Mehgan pësoi një sulm në zemër disa ditë më parë dhe mjekët i kanë këshilluar të mos dalë nga shtëpia. Ai është shprehur se do të donte shumë të ishte i pranishëm në këtë ditë të veçantë për të bijën.

Në ceremoni do të jetë e pranishme vetëm e ëma e Meghan, Doria Ragland, e cila do të jetë në makinë me të rrugës për në kishën St. George, ku edhe do të mbahet ceremonia.

Nusja e ardhshme do të shoqërohet nga Princi George dhe motra e tij, Princesha Charlotte, të cilët do të mbajnë fustanin, ndërsa hapat e parë për në altar do t’i hedhë e vetme.

Ajo do të takohet në gjysmë të rrugës me vjehrrin, Princin Charles, i cili do ta shoqërojë për në altar, tek bashkëshorti i ardhshëm.

Gjatësia e rrugës nga hyrja e kishës tek altari është rreth 110 hapa, ku më shumë se gjysmën e tyre, Meghan do ti bëjë e vetme.





Lajmet e fundit nga