web counter
LEXO PA REKLAMA!

SHKARKO APP

Marrëveshja Shqipëri-Greqi/ Tsipras shprehet optimist

18 Maj 2018, 08:14, Aktualitet CNA

Kryeministri i Greqisë Tsipras është shprehur optimist dje për hapjen e negociatave për Shqipërinë në fund të qershorit.

Nga Samiti i Sofjes, kreu i ekzekutivit grek tha se vendimi nuk varet nga ecuria e bisedimeve për çështjet e vjetra mes dy vendeve, ndërsa shtoi se presin një rezultat pozitiv në qershor.

?Negocimi ishte i vështirë. Duhej shumë kohë. Ne kemi çështje të hapura që nga Lufta e Dytë Botërore, të drejtat e pakicës greke, etj. Por jemi në rrugën e duhur, jam shumë optimist, mund të kemi një rezultat pozitiv në qershor.

Negociatat për Shqipërinë? Përtej kësaj, nëse Shqipëria merr dritën e gjelbër për anëtarësim, ajo nuk varet vetëm nga zgjidhja e dallimeve midis nesh. Ka disa vende që kanë një vlerësim të ndryshëm në këtë drejtim?-ka thënë ndër të tjera Tspiras.

Shqipëria dhe Greqia janë duke negociuar për një marrëveshje për zgjidhjen e problemeve të vjetra mes dy vendeve duke nisur nga çështja e Zonave Ekskluzive Ekonomike. Pas arritjes së marrëveshjeve Shqipërinë pritet që ta vizitojë kryeministri grek.





Lajmet e fundit nga