Vishet me mister deklarata e “dëshmitarit X”/ Zbulohen faktet kompromentuese

18 Maj 2018, 07:00, Aktualitet CNA

Partia Demokratike ka identifikuar dje ?dëshmitarin X?, që shfaqet tek audio-përgjim ku pretendohet nga demokratët se është i përfshirë vëllai i ministrit Xhafaj, Agron Xhafaj.

Përmes një konference të jashtëzakonshme për mediat, PD bëri dje publik ?dëshmitarin X?, i cili quhet Albert Veliu. Përmes një interviste të gjatë ku Albert Veliu dha detaje mbi trafikun apo dhe marrëdhëniet me vëllanë e ministrit Xhafaj, për një moment PD tronditi gjithë opinionin publik.

Por pas deklaratës së bërë nga Albert Veliu, deklarata e tij u mbush plot me mister pasi në të gjitha mediat dhe portalet u ngritën një sërë pikëpyetjesh mbi dëshminë e tij. Kjo sepse përgjatë deklaratës, Albert Veliu pati një moskordancë vërtetësie mbi ato që thoshte. Madje ai ngriti një mister mbi vërtetësinë e dëshmisë, pasi tha se ishte arrestuar në Pescara të Italisë më 2005-ën me 12 kg kokainë.-shkruan gazeta Sot.

Ndërsa sipas dosjes italiane, Albert Veliu u arrestua në Pescara më 24 mars 2009 nga Policia, në bazë të një urdhër-arresti dhe nuk u arrestua për trafikimin e 12 kilogramëve kokainë, por për trafikimin e 10 kilogramëve heroinë dhe një pistolete. Heroina, sipas dosjes italiane, u zbulua në vitin 2008 dhe ai u arrestua pas një viti sëbashku me 15 bashkëfajtorë të tjerë. Kohë kur vëllai i ministrit Xhafaj, Agron Xhafaj ka qenë në Shqipëri pasi nuk mund të lëvizte drejt Italisë. Por ajo ç?ka ngriti më shumë mister në deklaratën e Albert Veliut ishte pasi në fillim rrëfimit ai pretendoi se ka punuar për Agron Xhafajn në vitin 2000. Pas kësaj u shpreh se ka prishur marrëdhëniet me Agron Xhafajn nga burgosja e parë në vitin 2005 e në fund shton se ka bashkëpunuar me vëllanë e ministrit në vitin 2016 kur ky i fundit i ofroi një vend pune për të birin. ?Në 2007-ën, se në 2006-ën…jo, në 2016-ën për djalin më ka ofruar punë.

Për djalin më ka ofruar punë në vitin 2016?, u shpreh Veliu në dëshminë e publikuar nga PD. Sakaq, Albert Veliu ngriti dyshime pasi nuk mbante mend kohën kur i kishte kërkuar vëllait të ministrit nderin për të transportuar kanabis në Itali. ?Para 6 muajsh, 5 muajsh, nuk e di saktë sa ka 5 muaj, 6 muaj, që të flasim pastër, i kërkova të më bënte një nder. 4 muaj ka, tani më kujtohet?, deklaroi Veliu duke hezituar shpesh mbi përgjigjet.

Veliu u ekstradua nga Italia në 2013 për trafiqe makinash

Pretendimet Veliut se u dënua me 15 vite burg në Itali nga të cilat gjykata e Apelit e dënoi me 8 vite, dhe ai kreu 7, kanë rezultuar sërish të pavërteta. Kjo sepse vërtetë Veliu, ashtu sikurse u tha më lartë, e kreu dënimin nga 2009-a deri në gusht të 2013-ës, pasi u ekstradua drejt Shqipërisë ku akuzohej për trafik makinash. Madje Gjykata e Vlorës e kishte dënuar me 3 vite burg në vitin 2008, ndërsa më herët në vitin 2006 Albert Veliu është arrestuar nga policia shqiptare për falsifikim patente. Ndërkaq ajo ç?ka ngre më shumë dyshim mbi vërtetësinë e dëshmisë është çështja e regjistrimit.

Kjo sepse gjatë dëshmisë Albert Veliu apo dëshmitari X shprehet se i kërkoi nderin vëllait të ministrit Xhafaj, për ta vënë në provë dhe se nuk kishte si qëllim që t?i riktheje trafikut. Madje ai thotë se e dorëzoi tek PD audio regjistrimin pasi vetëm aty ka besim.Por më pas, Albert Veliu nuk e pranon se e ka bërë. ?Secili ka mbrojtjen e tij ore. Ai tijën, unë timen, po nga ka ardhë kjo, e gjen Agroni, këto përgjime. Këto janë gjërat që po të them unë?, tha ai. Pra një pikëpyetje e madhe në këtë mister pasi si mund të vësh dikë në provë dhe pastaj të mos pranosh regjistrimet e bëra.