web counter
LEXO PA REKLAMA!

SHKARKO APP

App Store
Google Play

Vdekja e 27-vjeçarit në paraburgim/ PD thirrje për revoltë: Ja pse u vra i riu

17 Maj 2018, 15:07, Aktualitet CNA

Ish-kryeministri Sali Berisha ka reaguar pas ngjarjes në Korçë ku një 27-vjeçar i cili ndodhej në paraburgim, humbi jetën. Me anë të një postimi në rrjetet sociale, Berisha ngre akuza të rënda ndaj policisë dhe thotë se e kanë torturuar në mënyrë çnjerëzore dhe i kanë marrë jetën që të pranonte akuzën për vjedhje.

Më tej Berisha teksa ngushëllon familjen e 27-vjeçarit, ai i bën thirrje të gjithë komunitetit rom në Korçë dhe të gjithë qytetarëve që të ngrihen në revoltë për të përmbysur regjimin.

Postimi i Berishës

Masakrohet barbarisht deri në vdekje nga racistët, kriminelët me uniformë babai i tre fëmijëve, Enea Ftoi! Të dashur miq, racistët e kriminelet me uniformë kanë torturuar në mënyrë çnjerëzore dhe i kanë marrë jetën si xhelat të riut 27-vjeçar rom, prind i tre fëmijëve, në qelitë e komisariatit të Korçës.
Ai ishte futur në qelitë e Komisariatit para tre ditësh me akuzë për vjedhje dhe torturuar shtazërisht gjer në vdekje për të pranuar akuzat.

Duke shprehur ngushëllimet e mia më të sinqerta familjes së të ndjerit Enea Ftoi dhe të gjithë komunitetit rom të Korçës dhe mbarë Shqipërisë, dënoj me ashpërsinë më të madhe këtë akt mizor e racist që dëshmon fytyrën e vërtet të narkoshtetit të Edvin Kristaq Ramës.

Me këtë rast i bëj thirrje komunitetit rom dhe mbarë qytetarëve shqiptarë të ngrihen për të përmbysur me revoltë të fuqishme këtë regjim kriminelësh të urryer! /CNA.al





Lajmet e fundit nga