E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Profecia e Pjetër Arbnorit dhe sinqeriteti i Eduard Shalsit

17 Maj 2018, 08:59, Aktualitet CNA

Ka një shprehje gati profetike bërë nga Pjetër Arbnori, ?Mandela shqiptar? shumë vite më parë se ai të ndahej nga jeta. Pas rebelimit të vitit 1997 dhe lëvizjeve të ndryshme të socialistëve, Arbnori u shpreh ?Këta nuk janë socialistë, këta janë specialistë?.

Ajo që ndodhi dje me Edi Ramën dhe Fatmir Xhafën, të risjell në vëmendje këtë shprehje të të ndjerit Pjetër Arbnori, i cili në fakt ka gjetur dhe devizën e vërtetë socialiste. Specialitetin e tyre politik për intriga, lëvizje dhe mashtrime, të cilat bëhen shpesh për të shpëtuar dhe nga të akuzuar kthehen në akuzues.

Rasti Xhafa tregoi sesi Edi Rama ngriti dorën kundër ministrit të tij, e gjunjëzoi, përdori opozitën dhe më pas e uli në krah ministrin e tij që nga një ?ujk?, tashmë ishte kthyer në një ?qen i rrahur?.

Fatmir Xhafës i shkon shumë edhe shprehja e kolegut të tij socialist, Eduard Shalsi, thënë në studion e ?Top Story? në vitin 2013 se ?socialistët nuk do të vidhnin si ata që ishin në pushtet?, pra, do të ishin ashtu siç kishte thënë Arbnori, vërtetë specialistë.

Kjo vlen për ministrin Xhafaj për tenderat në ministrinë e Brendshme, ku KVO e ngritur prej tij shpall fitues të tenderave, firma të përfshira në skandale, të cilat ishin në hetim nga prokuroria. Më pas zgjat procedurat për disa muaj dhe pasi KPP e rrëzon, specialisti Xhafa me skenarët e tij shkon të rrëmbejë gjithçka në gjykatë.

Në fakt më parë duhej që KVO të mbante përgjegjësi penale për shkeljen e ligjit.

Fatmir Xhafa është simboli i socialistit specialist, që nuk vjedh si ata dje në pushtet, por është krejt ndryshe. Sot nga dje ai ka një ndryshim. Dje ishte ministër i Brendshëm me vëllain e dënuar për trafik droge dhe në kërkim të autoriteteve italiane dhe sot është ministër i Brendshëm i shqiptarëve, me vëllain në burg për trafik ndërkombëtar droge.

Xhafaj është vërtetë specialisti ndryshe i socialistëve, një komunist i vjetër dhe i pandreqshëm që sot po bën Vettingun e policisë dhe shkarkon policë për moral dhe integritet në detyrë, ndërsa vetë është vëllai i një trafikanti droge./ CNA.al