web counter
LEXO PA REKLAMA!

SHKARKO APP

E fundit!

x

Denoncuan Xhafajn/ Deputetët demokratë përfundojnë tek Krimet e Rënda

17 Maj 2018, 08:05, Aktualitet CNA

Prokuroria e Krimeve të Rënda ka thirrur për të dëshmuar në lidhje me audioregjistrimin e vëllait të ministrit Xhafaj, tre deputetët e PD-së, që e bënë publike pak ditë më parë.

Në Prokurori pritet të paraqiten ditën e sotme, në orën 10:30, deputetët Ervin Salianji, Enkelejd Alibeaj dhe zyrtari i PD, Gazment Bardhi.

Prokuroria reagoi pas apelit të bërë nga kryeministri Edi  Rama një ditë më parë.

Më herët organi i akuzës ka sekuestruar audio-përgjimin dhe materaili mësohet se ëhstë dërguar për ekspertizë jashtë vendit.

Disa ditë më parë, Partia Demokratike publikoi një audioregjistrim që pretendon se është i Agron Xhafajt. Në këtë audioregjistrim të zhvilluar në Vlorë, një person, sipas PD-së, i kërkon Agron Xhafajt ta ndihmojë me një ngarkesë droge.

Personi ka qenë i njohur i Agron Xhafajt dhe, sipas PD-së, pasi u burgos, Agron Xhafaj nuk u interesua më për të. Në audioregjistrim, bashkëbiseduesi që mendohet se është Agron Xhafaj, i thotë bashkëpunëtorit se kohët e fundit po sulmohej shumë nga opozita dhe se ishte hera e parë dhe e fundit që e ndihmonte. Ai e adreson te një person me emrin Ermal dhe më pas biseda mbyllet.





Lajmet e fundit nga