web counter
LEXO PA REKLAMA!

SHKARKO APP

App Store
Google Play

"Audio u verifikua në laboratorin më të mirë"/ Lubonja tregon çfarë fshihet pas deklaratës së Ramës

17 Maj 2018, 16:35, Aktualitet CNA

Kryeministri Edi Rama, reagoi pas publikimit të audio-përgjimit nga Partia Demokratike, sipas të cilit rezulton që Agron Xhafaj, fëllai i ministrit të Brendshëm Fatmir Xhafajt, i cili është dënuar me vendim të formës së prerë në Itali për trafik droge, e ka kryer këtë aktivitet edhe në Shqipëri.

I ftuar në studion e televizionit News 24, në rubrikën “Opinion”, analisti Fatos Lubonja, doli kundër deklaratës së kryeministrit Edi Rama, i cili tha se audio përgjimi ishte i montuar.

Sipas tij, Rama e bën këtë për të mbrojtur veten e tij, siç ka bërë edhe herë të tjera pas denoncimeve lidhur me avionët e drogës etj.

?U tha që kjo është e montuar, sikur është trilluar. Ministri u tregua më i kujdesshëm se kryeministri sepse tha që mund të ketë rënë pre opozita nga disa grupe që duan të hakmerren.
Por të thuash se kjo është krejtësisht e sajuar, është shumë problem, se thua cili është ky shqiptar që paska aq guxim që të sajojë për vëllain e ministrit të brendshëm që ka në dorë gjithë pushtetin. Prokuroria duhet të hetojë në mënyrë të paanshme se çfarë ka këtu mbrapa. Prova që kjo qeveri është e lidhur me krimin e organizuar ka shumë. Prova që kjo qeveri dhe këta figura si Edi Rama kanë dalë shpesh herë të përgënjeshtrojnë fakte, duke thënë që avionët e drogës janë mushkonja, apo Zaganin e futën dhe në burg duke thënë se gënjen për Saimir Tahirin, deklarata se kjo është e montuar është e pabesueshme.
Rama e mbron Xhafaj sepse mbron veten, mbron pushtetin. Një kryeministër që i dalin dy ministra të implikuar, rrugët të çojnë tek kryeministri. Është një gënjeshtër puna e laboratorit?, deklaroi Lubonja. /CNA.al





Lajmet e fundit nga