web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet dhe lidhja me trafikantët/ Xhafaj në Prokurori

16 Maj 2018, 09:00, Aktualitet CNA

Pas fakteve dhe audio-përgjimit të publikuar nga Partia Demokratike, në të cilat rezulton vëllai i ministrit të Brendshëm Fatmir Xhafaj duke biseduar me trafikantë droge, Agron Xhafaj i ka drejtuar një letër opinionit publik.

Xhafaj shkruan se ka marrë përsipër t’i vetëdorëzohet autoriteteve italine, pasi si pasojë e shpifjeve dhe shantazheve, familja e tij është duke kaluar një situatë aspak të mirë.

“Sot, si rrjedhojë e këtij presioni politik dhe publik kundrejt familjes time, në pamundësinë për t?i ofruar fëmijëve një jetesë të qetë e pa stresin e përditshëm të shpifjeve e shantazhit, por edhe në bindjen time se ky është vendimi i duhur, marr guximin të kryejë vet këtë hap të rëndësishëm dhe të përballem në rrugë ligjore me egzekutimin e vendimit”.

Xhafaj ka deklaruar se audio-përgjimi i publikuar dhe imazhet janë false, ndërsa ka depozituar në Prokurorinë e Tiranës, zërin real sipas tij.

Xhafaj ka thënë se do të jetë bashkëpunues me Prokurorinë  dhe do të ndjekë deri në fund çështjen e montazhit të audio-përgjimit.

“Njëkohësisht, pranë Prokurorisë, kam deklaruar e dhënë shpjegime konform ligjit, se audio e publikuar, përfshirë efektet zanore si dhe imazhet e sajuara janë false, dhe janë bërë publike në media me qëllim shantazhin dhe presionin ndaj meje e vëllait tim, Ministër i Brendshëm. Ditën e djeshme, datë 15 Maj 2018, kam kryer të gjitha procedurat e nevojshme, të parashikuara nga ligji, përfshirë depozitmin e zërit tim pranë Prokurorisë së Tiranës dhe në prani të ekspertit të fushës, duke ofruar në këtë mënyrë të gjithë bashkëpunimin e mundur në funksion të zbardhjes së të vërtetës. Shpresoj që prokuroria dhe gjykata t?i shkojnë deri në fund hetimit penal dhe civil ndaj montazhit te paskrupullt ndaj meje e familjes time”. /CNA.al





Lajmet e fundit nga