E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Akuzat ndaj Xhafaj/ Shpërthen gazetari: Nano e refuzoi, Rama e mori “në gji”

16 Maj 2018, 08:44, Aktualitet CNA

Gazetari Ylli Dylgjeri ka reaguar në lidhje me situatën e fundit politike në vend, si dhe akuzat në drejtim të ministrit të Brendshëm, Fatmir Xhafaj.

Në një postim në faqen e tij në rrjetet sociale, Dylgjeri ka rikthyer në vëmendje një ngjarje të PS, në vitin 2003.

Dylgjeri kujton kohën kur ministër Rendi ishte Luan Rama, dhe incidentin që ai pati me gazetarin Babaramo, ku pas kësaj Luan Rama u detyrua të japë dorëheqjen nga posti që mbante.

Kryeministri në atë kohë, Fatos Nano, propozoi 3 kandidatura për të zëvëndësuar Luan Ramën, por në atë kohë thotë Dylgjeri zbatoheshin parimet e demokracisë, jo lista dhe kandidaturat nuk kalonin pa debat në mbledhjen e kryesisë.

Sipas Dylgjerit, Xhafaj në atë kohë ishte kandidatura favorite për Ministër Rendi, por nuk fitoj në votim. ?U rrëzua qysh në debat.
Arsyeja ishte se kandidatura për Ministër thuhej se kishte një vëlla të implikuar në vepra kriminale jashtë vendit.?-shkruan Dylgjeri në postimin e tij.

Postimi i plotë:

Ka ndodhur një herë…

Në vitin 2003 pas një konflikti ndërmjet gazetarit Babaramo dhe Ministrit të Rendit, Rama situata mori përmasa deri në dorëheqjen e Ministrit.

Kryeministri i kohës Nano, pas konsultimesh në PS në fund propozoi 3 kandidatura për vendin e Ministrit. Kandidatët ishin anëtarë e funksionar të PS. Njëri prej tyre, me favoriti, ishte më pranë votimit në Kryesinë e PS. Kandidaturat sipas rregullave nuk kalonin pa debat në mbledhjen e Kryesisë së PS-se. Kështu kandidatura favorite për Ministër Rendi nuk fitoj në votim. U rrëzua qysh në debat.
Arsyeja ishte se kandidatura për Ministër thuhej se kishte një vëlla të implikuar në vepra kriminale jashtë vendit.
Në Kryesi, pas debatit fitoj Jo-ja.
Konkluzioni i Kryesisë së PS: Partia nuk duhet të marrë asnjë kosto nga kandidaturat me cene. Ky ishte morali i kohës së PS së viteve 2000. Ky ishte morali i demokracisë përfaqësuese. Në ato vite nuk funksiononin listat. Në ato vite fitonte debati. Në ato vite fitonte vlera. Aktorët janë gjallë. Aktorët janë në lojë.
Por…aktorët s’kanë gojë.