web counter
LEXO PA REKLAMA!

SHKARKO APP

E fundit!

x

“Rikthehet” Adriatik Llalla/ Përballet me Ina Ramën

16 Maj 2018, 07:38, Aktualitet CNA

Ish-Kryeprokurori Adriatik Llalla do të përballet sot me Kolegjin e Posaçëm të Apelit, i cili do vlerësojë nëse ish-kreu i organit të akuzës do t?i nënshtrohet ose jo procesit të vettingut.

Mësohet se kryesues i trupit gjykues do të jetë Sokol Çomo, relator i çështjes, Luan Daci, ndërsa anëtarë do të jenë Albana Shtylla, Ardian Hajdari dhe Ina Rama.

Sipas njoftimit për shtyp, ?KPA bazuar në ligjin ?Për rivlerësimin kalimtar të gjyqtarëve dhe prokurorëve në Republikën e Shqipërisë? njofton, se ditën e Mërkurë, ora 10:00, do të gjykohet në seancë gjyqësore publike çështja për ankimin që Komisioneri Publik ka bërë kundër Vendimit datë 16.02.2018 të Komisionit të Pavarur të Kualifikimit për subjektin e rivlerësimit Zotin Adriatik Llalla?.

Kjo seancë vjen në kuadër të vendimit të marrë nga Komisioni i Pavarur i Kualifikimit, ku për ish Kryeprokurorin Llalla u vendos ndërprerja e procesit të vetting-ut, sipas vendimit të datës 16 shkurt 2018, pasi ai u largua nga sistemi i drejtësisë dhe më këtë argument KPK vendosi ndërprerjen e procesit të vetting-ut.





Lajmet e fundit nga