web counter
LEXO PA REKLAMA!

SHKARKO APP

App Store
Google Play

Ahmetaj: Kemi rritjen ekonomike më të madhe në 10 vjet  

16 Maj 2018, 07:56, Aktualitet CNA

Ministri i Financave dhe Ekonomisë, Arben Ahmetaj në një dalje për mediat paraditen e sotme ka folur në lidhje me ecurinë e ekonomisë shqiptare.

Sipas kreut të financave, ekonomia shqiptare ka pasur rritjen më të madhe ne 10 vitet e fundit, ndërsa papunësia është në rënie dhe vendet e lira të punës janë në rritje.

Ahmetaj gjithashtu tha se në një mandat qeverisës janë krijuar 250 mijë vende pune.

Ndërsa në lidhje me import-eksportet, kreu i financave tha se eksportet janë rritur me 18.8%, importet janë rritur me 9.6%, ndërsa importet e makinerive dhe pajisjeve janë rritur me 15.3%.

Po ashtu, Ahmetaj tha se inflacioni gjatë muajit prill ishte në nivele normale.

Ndër të tjera, Ahmetaj deklaroi se nga 1 janari i vitit të ardhshëm, pragu i tatim fitimit që ndan bizneset e vogla nga i madhi bëhet 14 milionë lekë, ndërsa sipas tij do të përfitojnë mbi 10 mijë sipërmarrje, që do paguajnë 5%.

Gjithashtu ministri shtoi se kjo lëvizje do të sjellë ulje të tatim fitimit nga 15 në 5% për rreth 11 mijë biznese që janë gjysma e bizneseve që paguajnë tatim fitim në nivelin e 15%./ CNA.al





Lajmet e fundit nga