web counter
LEXO PA REKLAMA!

SHKARKO APP

App Store
Google Play

Denoncon zhdukjen e shokut/ Arrestohet si dyshuar

16 Maj 2018, 14:17, Kronika CNA

Aleksandër Fadili, 30 vjeç është arrestuar, pasi dyshohet se ka dorë në humbjen e shokut të tij.

Ka qenë 30 vjeçari që ka bërë denoncimin në polici për zhdukjen e shokut të tij, por pas hetimeve intensive nga policia, të tjera rrethana kanë dalë në dritë.

Sipas policisë, Fadili dyshohet për humbjen e shokut të tij, ndërkohë po bëhen kërkime për gjetjen e trupit.

Njoftimi i plotë i Policisë:

Në vijim të veprimeve hetimore të kryera për zbardhjen e ngjarjes së ndodhur më datë 29.04.2018, ku ka humbur kontaktet shtetasi F.F. 30 vjeç, banues në Peqin – Elbasan, ju informojmë se:

Nga efektivët e Komisariatit të Policisë Kurbin në bashkëpunim me Prokurorinë e Rrethit Gjyqësor Kurbin, pas një pune disa javore hetimore të mirëfilltë,  të mirëorganizuar dhe me përdorimin e metodave speciale të hetimit, bazuar në provat shkencore të siguruara  u bë ndalimi i shtetasit:

Aleksandër Fadili, 30 vjeç, banues në Peqin – Elbasan ( i cili ka bërë denoncimin e humbjes së shtetasit F.F.), pasi ky  shtetas dyshohet si autori i zhdukjes së shtetasit F.F.

Vazhdojnë kërkimet për gjetjen e trupit si dhe hetimet për zbardhjen e plotë të rrethanave dhe shkaqeve  të ngjarjes.

Materialet proçeduriale iu referuan Prokurorisë së Rrethit Gjyqësor Kurbin për veprën penale ” Vjedhje me pasojë vdekjen” parashikuar nga neni 141 i Kodit Penal.

 

 





Lajmet e fundit nga