web counter
LEXO PA REKLAMA!

SHKARKO APP

App Store
Google Play

E fundit!

x

Trajneri Shkëmbi e tregon hapur: Këto ekipe më kanë kontaktuar!

14 Maj 2018, 18:46, Aktualitet CNA

Trajneri dhe ish-kapiteni i Skënderbeut, Bledi Shkëmbi, dha një intervistë për ?RTSH?-në. Ai foli në lidhje me fitimin e titullit të Skënderbeut, të ardhmen, por dhe lënien e ekipit të Lirisë së Prizrenit. Shkëmbi e pranon se ka patur interesim nga disa ekipe, por asgjë zyrtare nuk është arritur ende. Në fund, tekniku nuk e fsheh se mund të pasojë trajnerin Sulejman Starova te Feronikeli, apo nuk e përjashton dhe një rikthim në Superioren shqiptare. Të ardhmes nuk i dihet asnjëherë, sidomos në futbollin e sotëm.
Titulli i Skënderbeut – Ish-kapiteni e pranon se është shumë i kënaqur për fitimin e titullit, por sigurisht që nuk përjeton të njëjtat emocione si në kohën kur luante vetë. Atij i vjen mirë për ish-klubin e tij, pasi ka gjetur forcat të fitojë në një vit me shumë probleme. Ish-numri 10-të i referohet dënimit nga UEFA.  ?Kënaqësi e madhe, por nuk është i njëjti përjetim si kur isha pjesë e klubit. Si qytetar dhe lojtar i rritur te Skënderbeu ishte kënaqësi e madhe. Më erdhi mirë që korçarët fituan një titull në një vit shumë të vështirë”.
Liria e Prizrenit? ?E lashë, pasi nuk janë të njëjtat kushte dhe mundësitë si në fillim. Janë larguar presidenti dhe drejtuesit që unë isha në fillim dhe kjo më shty që të largohesha, pasi kontratat dhe marrëveshjen i firmosa me ta. Në fund, e pranoj se kisha dhe probleme financiare. Nuk mund të vazhdoja më”.
E ardhmja – Shumë interesime dhe dëshira për të, por ende nuk ka diçka zyrtare. ?Unë sa e kam nisur punën e trajnerit. Kam lexuar shumë, jo vetëm Feronikeli, por dhe ekipe të tjera kanë shfaqur interes. Ofertë zyrtare nuk kam marrë. Janë dëshira, unë e quaj ofertë në momentin që ulesh në tavolinë dhe flet. Superiorja? Nuk përjashtohet, pasi ka interesim dhe nga ekipe të Superiores. Ende shpejt për të thënë diçka konkrete?.  /EDS





Lajmet e fundit nga