web counter
LEXO PA REKLAMA!

SHKARKO APP

App Store
Google Play

E fundit!

x

Audiopërgjimi i vëllait të Xhafajt?/ Lala: Ka thashetheme që…

14 Maj 2018, 20:01, Aktualitet CNA

Gazetarja e kronikës Klodiana Lala, është e ftuar në emisionin ?Studio e Hapur? me gazetaren Eni Vasili në News 24, ku po trajtohet tema e audiopërgjimit të vëllait të ministrit të Brendshëm, Fatmir Xhafaj, i publikuar ditën e sotme nga Partia Demokratike.

Gazetarja Lala tha se nëse ky përgjim rezulton i vërtetë, atëherë ministrit të Brendshëm, Fatmir Xhafaj do i duhet të godasë grupin kriminal të vëllait të tij dhe në këtë moment sipas saj ministri Xhafaj është moralisht i rënë.

Pyetjes së Eni Vasilit, nëse kishte apo jo informacion kur është bërë përgjimi, Lala iu përgjigj:

“Nuk kam informacion dhe nuk mund të konfirmoj asgjë. Nuk dihet nëse ky përgjim është bërë me vendim gjykate. Nëse do kishim të bënim me një përgjim me leje gjykate, do duhej të kishte nisur një hetim nga gjykata. Ka thashetheme që është i 3 muajve të fundit, por duhet të jemi të kujdesshëm për sa kohë flasim për një përgjim të cilit nuk i dimë origjinën.

Agron Xhafa është subjekt i një hetimi pasuror, jo vetëm për këtë të fundit, por edhe për të gjithë personat e bashkëlidhur me Agrin Xhafën, ku këtu bën pjesë edhe ministri i Brendshëm, Fatmir Xhafaj.

Nëse ky përgjim është i vërtetë, i bie që grupi kriminal i Agron Xhafës të goditet nga vëllai i tij, Fatmir Xhafaj. Pra në këtë moment Fatmir Xhafaj është moralisht i rënë. Nëse është i vërtetë, nuk implikohet vetëm Agron Xhafa me përgjegjësi penale, por edhe ministri Xhafaj, pasi në rolin që ka, ka për detyrë ti godasë këto grupe kriminale”. /CNA.al





Lajmet e fundit nga