E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Shfaqja “Trashëgimtari” nesër në Teatrin Eksperimental/ Ja pse nuk duhet humbur

14 Maj 2018, 19:50, Aktualitet CNA

Teatri Eksperimental sjellë këtë të martë, premierën e shfaqes ?Trashëgimtari?, një vepër me regji të Milto Kutali, as/regjisor Anri Celibashi dhe autor Arben Iliazi ndërsa në interpretimin e roleve do të jenë aktorët e talentuar Dajana Nenaj, Donald Shehu dhe Xhuliano Brisku.

Me një temë sa të vjetër aq edhe aktuale në kohë, ?Trashëgimtari? sjell për artëdashësit mesazhin se me para mund të blesh gjithçka, por jo të ardhmen dhe moralin, apo të shpëtosh nga ndërgjegjja.

?Trashëgimtari? duhet ndjekur sepse të jep mesazhin e jetës dhe vazhdimit të saj, të tregon të njëjtën kohë rëndësinë dhe pavlefshmërinë e parasë, si dhe përmes saj kupton që ajo për të cilën luftojmë të gjithë, por jot ë gjithë e kuptojmë, është rëndësia e një familje të qetë dhe të lumtur, larg intrigave dhe gënjeshtrave.

Më poshtë subjekti i shfaqjes:

Komedia goteske ? Trashëgimtari?, me regji nga Milto Kutali dhe autor Arben Iliazi, vjen me një mesazh të qartë: Me para mund të blesh gjithçka, por jo të ardhmen dhe moralin, apo të shpëtosh nga ndërgjegjja.

Fatiku dhe Suzi, që bashkëjetojnë prej 7 vitesh si burrë e grua, janë dy karaktere kontravers, pa asgjë të përbashkët. Fatiku, një ?zyrtar i lartë? , i katapultuar në politikë pa asnjë meritë dhe që jeton me ambicien pa kufij për pushtet e para , përfaqëson individin instinktiv të zhveshur nga ndjeshmëria.

Befas ?shefi i madh? i kërkon të ngjizi një fëmijë, pasi pas 7 vjetësh martesë, po bie në sy për keq para opinionit publik, që ende beson në vlerat e familjes.

Bashkëshortja Suzi, një grua e thjeshtë dhe e bukur me origjinë nga fshati, e cila përfaqëson brezin e garve që duan të bëhen moderne, duke u martuar me burra të pushtetshëm në kryeqytet, e penduar për martesën me leverdi që ka bërë, jeton dhimbshëm me tragjizmin e saj dhe po mendon divorcin, duke e përjetuar si gjëmë faktin që i shoqi nguron të bëjë fëmijë me të. Kur Fatiku i jep lajmin e madh se më në fund erdhi çasti për të ngjizur krijesën e tyre, Suzi për një moment i beson vërtet dhe i kërkon shpjegime përse u vonua kaq vjet.

Por Fatiku e gjen përgjigjen: Me një kompleks inferioriteti për origjinën e tij të dyshimtë, ai i rrëfehet se e mundonte frika se mos fëmija nuk do të ishte në lartësinë që e kërkonte nderi dhe prestigji i familjes, se mund të bëhej një plangprishës që ndoshta nuk do i ngjante fare të atit, që të bënte rrush e kumbulla gjith pasurinë.? Përderisa kemi para, pse të mos blejmë një fëmijë të gatshëm nga një njeri fisnik dhe i zgjuar?, i propozon të shoqes. Suzi në fillim nuk kupton, por ai i propozon troç: të blejmë lëndën e parë për ngjizjen e fëmijës! Kërkon vetëm bashkëpunim dhe konspiracion, pasi dhuruesi do të ishte doktori i familjes, me të cilin kishte biseduar paraprakisht!

Suzi, e shokuar, por dhe e etur për hakmarrje dhe aventurë, i vë në lojë të dy, të shoqin dhe doktorin. Bën pazar me doktorin, i cili kërkon plot 2 milion euro për të qenë dhurues i ?lëndës së parë?, duke i propozuar kontakt seksual, me kusht që ta ndajnë shumën në mes. Doktori, i cili nuk e ka haberin nga seksi, pasi nuk ka njohur kurrë ndonjë femër, i dehur nga çajrat që përgatit vetë, as nuk e merr vesh se si gjendet papritur në një krevat me Suzin, e cila befason me një shatzani të papritur, që ia atribuon doktorit. Fatiku shpërthen në xhelozi, ndërsa doktori merr zemër dhe kërkon autorësinë e fëmijës. Sherrin e zgjidh Suzi që vendosë t?i japë fund martesës, duke zbuluar trukun e shtatzanisë dhe fytyrën e vërtetë të të shoqit dhe doktorit?.