web counter
LEXO PA REKLAMA!

SHKARKO APP

App Store
Google Play

Deklarata e Ahmetaj për biznesin e vogël/ Kundërpërgjigjet Tabaku

4 Maj 2018, 13:08, Politikë CNA

Deputetja e Partisë Demokratike, Jorida Tabaku, ka reaguar pas deklaratave që ka bërë ministri i Financave, Arben Ahmetaj gjatë një interpelance që ka zhvilluar sot me biznesin e vogël.

Nënkryetarja e Komisionit të Ekonomisë, Jorida Tabaku, duke i cilësuar këto deklarata groteste dhe propagandë të shëmtuar, thotë se qeveria Rama nuk ka guximin t?i shohë në sy pëfaqësuesit e biznesit dhe të diskutojnë me ta.

?Në 5 vite biznesi është konsideruar si hambar ku vetëm rriten taksat, në 5 vite kurrë nuk ka pasur një bashkëbisedim e një kërkesë të biznesit të ndershëm që të jetë dëgjuar nga qeveria?, shprehet deputetja demokrate Jorida Tabaku.

Postimi i plotë:

Grotesku dhe propaganda e shëmtuar e kësaj qeverie nuk ka fund. Sot Ministri i Financave ishte në telekonferencë me bizneset e vogla (me shumë mundësi nga një sallë tjetër e ministrisë) për të diskutuar se si vendosja e TVSH tek bizneset e vogla do ndihmojë këto biznese.

Mbasi i refuzuan, nuk i takuan, nuk i dëgjuan, mbasi i detyruan të ulin qepenat të pushojnë nga puna stafin, të rrisin çmimet me 8 deri në 18 përqind, mbasi i detyruan të protestojnë, mbasi e bënë Tiranën kryeqytetin me taksat më të larta e Shqipërinë vendin me taksat më të larta nuk kanë as guximin t?i shohin në sy bizneset e të diskutojne me to.

Ne 5 vite biznesi është konsideruar si hambar ku vetëm rriten taksat, në 5 vite kurrë nuk ka pasur një bashkëbisedim e një kërkesë të biznesit të ndershëm që të jetë dëgjuar nga qeveria.

Po miqtë e klientët kanë përfituar fonde, ulje taksash e favore po biznesi i vogël jo.

Partia Demokratike e konsideron biznesin e ndershëm si bashkëpunëtor të qeverisë, si punëdhënës e si mbështetës e jo si armik. Ulja e taksave dhe mbështetja reale e biznesit do të sjellin punesim jo kjo propagandë e shëmtuar!





Lajmet e fundit nga