web counter
LEXO PA REKLAMA!

SHKARKO APP

App Store
Google Play

E fundit!

x

Publikimi i ndalimit për Tom Doshin/Reagon Departamenti Amerikan i Shtetit

4 Maj 2018, 11:15, Politikë CNA

Departamenti Amerikan i Shtetit, i pyetur nga Respublica për ndalimin e hyrjes në SHBA të Tom Doshit dhe familjes së tij, ka dhënë këtë përgjigje:

?Departamenti ka informacione të besueshme se z. Doshi është përfshirë në korrupsion të thellë(significant corruption) gjatë mandatit të tij si anëtar i Parlamentit.

Në përgjithësi korrupsioni shkakton kosto thelbësore mbi ekonominë, shoqërinë dhe sigurinë; mund të krijojë lehtësi për krimin e organizuar, të dobësojë besimin ndaj sundimit të ligjit dhe qeverisjes.

Kjo ndikon drejtpërdrejt interesat e sigurisë kombëtare të ShBA, ato ekonomike dhe të politikës së jashtme dhe ne besojmë se dëmton edhe interesat e shteteve partnere.

Në rrethanat e këtij rasti të veçantë ne besojmë se është e rëndësishme që qeveria dhe populli shqiptar të dinë sesa seriozisht e shohim ne korrupsionin publik dhe përfshirjen e z. Doshi në akte korruptive?.

DASh shton se marrja e informacioneve të besueshme për përfshirje në akte korrupsioni apo shkeljesh të të drejtave të njeriut e detyron atë të përkufizojë zyrtarin përkatës dhe familjen e tij në kuptim të dispozitave të Seksionit 7031,citon “Gazeta Tema”.

Për këtë arsye çdo informacion që i referohet DASH dhe që klasifikohet i besueshëm do të shoqërohet me vendime të ngjashme dhe në përgjigjen e vet, Departamenti e njofton një gjë të tillë kur shton në përgjigjen e vet për ResPublica se:

?Ne po rishikojmë aktivisht rastet dhe po e aplikojmë këtë autoritet me të gjitha vendet. Në varësi të rrethanave të veçanta disa përcaktime bëhen publike ndërsa të tjera janë private?.

Nëse na lejohet ta interpretojmë këtë pasazh rezulton se mund të ketë vendime ndalimi për zyrtarë të tjerë shqiptarë që mund të mos bëhen publike për arsye që i vlerëson Departamenti./CNA





Lajmet e fundit nga