Ish-themeluesi tregon tre risitë e Kuvendit të PD/ Shpërthen ndaj…

1 Maj 2018, 11:22, Aktualitet CNA

Një ndër ish-themeluesit e PD, njëkohësisht kryetari i shoqatës ?Azem Hajdari”, Bislim Ahmetaj ka reaguar në lidhje me Kuvendin Kombëtar të PD.

Në një postim në faqen e tij në rrjetet sociale, Ahmetaj shkruan; ?Tri momente që do të mbahen mend gjatë, të prodhuara nga tre personazhe nga rrethi i Kukësit ishin risitë e vetme të Kuvendit të partisë më të madhe të opozitës.?

Sipas tij, i pari ishte një qytetar i zakonshëm i cili dhuroj emocione dhe korri duartrokitje pa fund, ovacione dhe thirrje entuziaste nga delegatët e kuvendit. Ai quhej Lulzim Popa dhe ishte njëri prej protestuesve që u arrestuan pas protestës së qytetarëve të Kukësit.

I dyti ishte Ibsen Elezi, një kuksian i kultivuar dhe kurajoz, një demokrat me mend dhe me këmbë në tokë. Një intelektual i brezit të ri që i dhimbset Shqipëria.

Ndërsa i treti, sipas Elezit ishte Jemin Gjana, për të cilin thotë se po I ngjan Gramoz Ruçit. ?Entuziazmin që dhuroj Lulzim Popa, heshtjen që pllakosi kuvendin nga fjalimi i Ibsenit e trubulloj Jemini. I cili na kujtoj Gramoz Ruçin në Parlament kur miratohen ligjet e sjellura nga qeveria për klientët e Edi Ramës dhe bandës së tij qeverisëse.?-shkruan Bislim Ahmetaj në postimin e tij.

Postimi i plotë:

Kuvendi Kombëtar i PD-s që foli kuksiançe(!)

Bislim AHMETAJ

Kuvendi ?statutor? i Partisë Demokratike i mbledhur ditën e diel foli nga fillimi në fund kuksiançe. Tri momente që do të mbahen mend gjatë, të prodhuara nga tre përsonazhe nga rrethi i Kukësit ishin risitë e vetme të Kuvendit të partisë më të madhe të opozitës.
I pari ishte një qytetar i zakonshëm i cili dhuroj emocione dhe korri duartrokitje pa fund, ovacione dhe thirrje entuziaste nga delegatët e kuvendit. Ai quhej Lulzim Popa dhe ishte njëri prej protestuesve që u arrestuan pas protestës së qytetarëve të Kukësit të cilët refuzuan vendosjen arbitrare të taksës në rrugën e Kombit. Protestë që ja vuri ?kunin te thana? Edi Ramës. Ai foli pa letër, thjeshtë, veçse me zemër në dorë. Disa prej fjalëve të tij ishin këto ?Jam babai i katër fëmijëve, prej të cilëve jam ba gjysh katër herë, kurrë në jetën time nuk kam pas punë me organet e drejtësisë, vetëm atë natë kur policia erdhi dhe më vodhi në dy të natës. As Milosheviçi s?është sjellë ma keq me kosovarët në kohën e luftës. Dhe pse gjithë kjo dhunë, vetëm pse edhe unë si qindra mijëra kuksian e shqiptar ishim kundër traut që ndanë shqiptarët e jugut me të veriut, shqiptarët e Kosovës me të Shqipërisë?.

Pa kurrfarë dirigjimi nga stimuluesit e duartrokitjeve të cilët janë shtuar shumë viteve të fundit nëpër sallat kuvendore te partive shqiptare, ky qytetar i thjeshtë, por i vertetë u duartrokit dhe i ndezi delegatët shumë më tepër se fjalimi gati 60 minutësh i Lulzim Bashës i cili meriton një shkrim të veçantë edhe pse nuk e kam ndermend ta shkruaj.
I dyti ishte Ibsen Elezi, një kuksian i kultivuar dhe kurajoz, një demokrat me mend dhe me këmbë në tokë. Një intelektual i brezit të ri që i dhimbset Shqipëria, që i dhëmb demokracia dhe në mënyrë të veçantë Partia Demokratike në të cilën ka milituar që nga vitet e para të ekzistencës së saj.

Duke u votuar në të gjitha nivelet nga anëtar i thjeshtë deri kryetar i degës lokale të PD së Kuksit. Një zyrtarë që ka punuar dhe drejtuar institucione të rëndësishme lokale dhe qëndrore, kurrë pa ju lakuar emri për afera korruptive. Fjala e tij në kundërshtim me Lulzim Popën që e ndezi sallën e madhe të Pallatit të Kongreseve, e heshti atë sallë, e bëri të mendoj, e bëri ti vej gishtin kokës, ti thërrasë ndërgjegjës. Disa i bëri të skuqeshin e të strukeshin pas kollareve të tyre.

Ndërsa jam i sigurtë se shumica e gjetën vetën në ato mendime që Ibsen Elezi i artikuloj me qetësi dhe maturi të admirueshme.
Ibseni e bëri sallën e madhe të Pallatit të Kongreseve të heshtë, të kërkoj fillin e rrugës së humbur?
Ndërsa kuksiani i tretë që i vuni kapak kuvendit të ?statutit? ishte Jemin Gjana. I cili kishte pranuar të përdorej nga zoti Basha në mënyrë krejtësisht vullnetare megjithëse kjo nuk është hera e parë. Entuziazmin që dhuroj Lulzim Popa, heshtjen që pllakosi kuvendin nga fjalimi i Ibsenit e trubulloj Jemini. I cili na kujtoj Gramoz Ruçin në Parlament kur miratohen ligjet e sjellura nga qeveria për klientët e Edi Ramës dhe bandës së tij qeverisëse. ?Neni 1, pro, kundër, apstenime, miratohet. Neni 2, pro, kundër, apstenime, miratohet.Neni 3????.?. Kjo mbyllje ishte aq e pa rëndësishme sa u abandonue edhe nga zoti Berisha I cili sapo filloj estrada doli nga salla I ndjekur prej gazetareve dhe nga shumica e delegatëve të pranishëm të cilët u derdhën nëpër kafet rreth e rrotull Pallatit të Kongreseve si për ta ndryshuar shijen e hidhur që ju la Kuvendi i partisë së tyre që nuk ngjalli as shpresë, as besim dhe aq me pak i shërbeu bashkimit.
Ndoshta do bahet më mire se s?ka si të bahet ma keq?

Ps. Fotoja ilustruese e ketij shkrimi eshte ba ne burgun e Spaçit