web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për Adriatik Llallën, i vetmi ankimim në Kolegjin e Apelimit/ KPA zbardh të dhënat

1 Maj 2018, 07:55, Aktualitet CNA

Përveç rastit të ish-kryeprokurorit Adriatik Llalla, Komisioneri Publik deri më tani nuk ka ankimuar asnjë vendim tjetër të Komisionit të Pavarur të Kualifikimit për ndërprerje të procesit të vetingut.

Për Llallën, KPK vendosi ta ndërpresë procesin e rivlerësimit pas vendimit të këtij të fundit për tu dorëhequr nga sistemi i drejtësisë, por ky nuk ishte rasti i vetëm. Komisioni e vetingut e ndërpreu vetingun edhe për një sërë emrash të tjerë prokurorësh dhe gjyqtarësh, mirëpo interesant është fakti se Komisioneri Publik i është drejtuar Kolegjit të Posaçëm të Apelimit vetëm për Adriatik Llallën.-raporton gazeta Sot.

KPA do të vendosë në 16 maj nëse vendimi i KPK ishte konform ligjit e në rast se jo, pritet që për ish-kreun e akuzës të rinisë procesi i vetingut. Nga ana tjetër, në Kolegjin e Posaçëm të Apelimit nuk ka mbërritur as ndonjë ankimim nga ana e gjyqtarëve dhe prokurorëve që janë shkarkuar nga detyra nga komisioni i vetingut për shkak të fshehjes së pasurisë. ?Sa i përket pyetjes suaj, deri në këtë moment, nuk ka ankime nga subjekte rivlerësimi pranë Kolegjit të Posaçëm të Apelimit?, thuhet në përgjigjen zyrtare që KPA i ka nisur gazetës ?SOT? pas interesimit të kësaj të fundit.

Sakaq, më poshtë po risjellim në vëmendje të gjithë listën e personave për të cilët është ndërprerë vetingu: Besnik Imeraj (gjyqtar në Gjykatën Kushtetuese), Adriatik Llalla (ish-kryeprokuror), Eritan Shehu (ndihmës ligjor pranë Gjykatës së Lartë), Sulejman Tola (prokuror në Prokurorinë pranë Gjykatës së Shkallës së Parë Krujë), Mirela Fana (gjyqtare pranë Gjykatës së Lartë), Adnand Bërdica (ndihmës ligjor pranë Gjykatës së Lartë), Etleva Sherifi (ndihmës ligjore pranë Gjykatës së Lartë), Ilir Pashaj (gjyqtar pranë Gjykatës së Shkallës së Parë Elbasan), Erlindi Basha (ndihmës ligjor pranë Gjykatës së Lartë), Ilir Çeliku (gjyqtar pranë Gjykatës së Apelit Vlorë), Ermir Beta (prokuror në Prokurorinë pranë Gjykatës së Shkallës së Parë Berat).





Lajmet e fundit nga